«Úkimettiń basty mindetiniń biri – ana men balanyń densaýlyǵyn saqtaý. О́kinishke qaraı, sábılerdiń ólimi kóbeıdi. Ana ólimi de ósýde. Men perınataldyq qyzmettiń jaı-kúıin tekserýge tapsyrma berdim. Onyń qorytyndysy boıynsha tıisti sharalar qabyldanýy kerek edi. Biraq, barlyq jumys aýdıt deńgeıinde toqtap qaldy», dedi Q.Toqaev.
Prezıdenttiń aıtýynsha, qazirgi perzenthanalardyń kóbi halyqaralyq standarttarǵa saı emes.
«Shuǵyl sharalar qabyldap, osy máseleni sheshý qajet. Jalpy, densaýlyq saqtaý salasy týraly aıtar bolsaq, munda túıtkildi máseleler kóp. Qazaqstanda sozylmaly aýrý saldarynan qaıtys bolý kórsetkishi óte joǵary. Ásirese, Ekonomıkalyq yntymaqtastyq jáne damý uıymyna múshe eldermen salystyrǵanda bizdegi ahýal óte nashar», dedi Memleket basshysy.
