Onyń ishinde 329 myń – QazVac, 1,2 mln – Sinopharm, 106,5 myń - Pfizer.
Densaýlyq saqtaý mınıstri Ajar Ǵınııattyń málimetinshe, Qazaqstan kúzgi epıdemıologııalyq kezeńge balalar men júkti áıelderge Pfizer vaksınasynyń shamamen 300 myń dozasyna tapsyrys berýdi josparlap otyr.
«Búgingi tańda biz Pfizer-diń qalǵan 106,5 myń dozasyn egip jatyrmyz. Iаǵnı bul vaksına júkti áıelder men balalarǵa jáne Pfizer-diń birinshi komponentin alǵan azamattarǵa salynady. Balalar men júkti áıelder úshin kúzgi kezeńge qosymsha 300 myńǵa jýyq dozaǵa tapsyrys beriledi», dedi mınıstr.
Sondaı-aq Ajar Ǵınııat Almaty qalasynda qalǵan vaksına qoryna toqtaldy. Aıtýynsha, megapolıste 37 myń doza QazVac, 180 myń doza Sinopharm jáne 8600 doza Pfizer bar.
«Aı saıyn 500 myń doza óz vaksınamyz – QazVac óndiriledi. Búgingi tańda 2 mıllıonǵa jýyq doza bar jáne qajet bolǵan jaǵdaıda taǵy alynady. Elde vaksına jetkilikti», dedi mınıstr.
