Kóktemgi kezeńde Túrkistan oblysynda 1,4 mln bas iri mal men 4,5 mln bas usaq mal zalalsyzdandyrylǵan. Mamandar júrgizgen saraptaý qorytyndysy kórsetkendeı, ıneksııalaý oń nátıje berdi. Al endi ıneksııalaýdyń ekinshi kezeńi qolǵa alynbaqshy. Bul rette úıirgelik qora-jaılardy zalalsyzdandyrýǵa erekshe nazar aýdarylady.
Kenege qarsy zalalsyzdandyrý jumystarynyń sapasy men tıimdiligin anyqtaý boıynsha aýdan, qalalarda tıisti mekeme qyzmetkerleriniń qatysýymen arnaıy komıssııa qurylyp úlgerdi. Bul sala mamandarynyń jumysy qatań qadaǵalanatynyn bildiredi.
Aıta ketsek, bıyl da kongo-qyrym qandy bezgeginiń tabıǵı oshaqtarynda ornalasqan eldi mekenderdi qorǵaý boıynsha josparly sharalar jalǵasady.
