Aqtóbe qalasy О́rleý aýylynda sýǵa túsýge arnalmaǵan orynda bir úıdiń 2006 jylǵy jáne 2004 jylǵy eki adamy sýǵa batyp ketken. Oqıǵa ornyna dereý qutqarýshylar jetti. Qutqarýshylar dronnyń kómegimen 16 jastaǵy jasóspirim men 18 jastaǵy azamattyń denesin tapty. Olar jaǵadan 13-15 metr qashyqtyqta 1,8-2 metr tereńdikten shyǵaryldy.
«Keshe saǵat 20:40-ta Aqtóbe qalasy, kommýnaldyq jaǵajaı aýdanynda (qarama-qarsy betinde) sýǵa túsýge jabdyqtalmaǵan orynda 2 adamnyń sýǵa batyp ketkeni jóninde aqparat kelip tústi. Shaqyrtý ornyna qutqarýshylar jetken kezde 19 jáne 20 jastaǵy azamattardyń sýǵa batqany anyqtaldy. Qutqarýshylardyń kúshimen olardyń denesi jaǵadan 40 metr qashyqtyqta 5 metr tereńdikten shyǵaryldy», dedi oblystyq TJD baspasóz qyzmeti.
Aıta keteıik, Aqtóbe oblysynda sýǵa túsýge ruqsat etilgen 72 oryn bar. Al Aqtóbe qalasy boıynsha 18 jaǵajaı belgilengen. Onyń ishinde bir akvapark, bir kommýnaldyq jáne 16 jeke jaǵajaı.
Aqtóbe oblysynyń TJ departamenti sý aıdyndaryndaǵy qaýipsizdik erejelerin saqtap, ruqsat etilgen oryndarǵa ǵana sýǵa túsýge keńes beredi.
