Erik Tólenov ulttyq dástúrdi saqtaýdaǵy joǵary sheberligi úshin memleketaralyq «MIR» - teleradıokompanııasynyń «Pesnıa - Pýt k Sodrýjestvý» arnaıy marapatyna ıe boldy. Sondaı-aq halyqaralyq baıqaýdyń laýreaty atandy. Al 12 jastaǵy Alınýr Hamzın balalar arasynda osy saıysta ekinshi oryn aldy.
Erik Tólenov 1993 jyly Túrkistan oblysy, Ashysaı aýylynda dúnıege kelgen. Kentaý qalasyndaǵy №23 Turar Rysqulov atyndaǵy mektepti, T.Júrgenov atyndaǵy Qazaq Ulttyq О́ner akademııasyn bitirgen, 2014-2016 jyldary túrli mýzykalyq toptarda óner kórsetken. 2021 jyly Mozart halyqaralyq shyǵarmashylyq festıvaliniń jáne Welle-music wave halyqaralyq baıqaýynyń gran-prı ıegeri atanǵan, The Voice of Kazakhstan tanymal baıqaýynda II oryn aldy. Onyń qoıylymy álemniń eń úzdik The Voice shoýlarynyń qataryna endi.
Alınýr Hamzın 2010 jyly Oral qalasynda dúnıege kelgen. №27 mektep-lıseıiniń 6-synybynda jáne № 1 mýzyka mektebinde oqıdy. Sońǵy 5 jylda respýblıkalyq konkýrstarǵa, telejobalarǵa jáne halyqaralyq konkýrstarǵa, onyń ishinde Parıjdegi Junior Eurovision baıqaýyna, Tashkenttegi «Roza vostoka» halyqaralyq konkýrsyna qatysqan. Sondaı-aq ol ár túrli telejobalar men konkýrstardyń laýreaty.
