Otyrysqa Qazaqstan Respýblıkasy Qarjy naryǵyn retteý jáne damytý agenttiginiń Tóraǵasy M. Ábilqasymova, Ulttyq Banki Tóraǵasynyń orynbasary V.Týtýshkın Qazaqstan Qarjygerler qaýymdastyǵynyń tóraıymy E.L. Bahmýtova, bank jáne saqtandyrý sektorlarynyń, baǵaly qaǵazdar naryǵynyń kásibı qatysýshylary osy jıynǵa qatysty.
Baqytjan Saǵyntaev áriptesterin Komıssııanyń qarjy naryǵy salasyndaǵy júrgizip jatqan jumystary týraly habardar etti.
«Qarjy naryǵy salasyndaǵy ıntegrasııa – basty mindetterdiń biri. Ony sheshý Odaq aıasynda kapıtal men qarjylyq qyzmetterdiń kedergisiz qozǵalysy úshin jaǵdaı jasaıdy, ınvestısııalyq jáne qarjylyq qyzmetterdiń qoljetimdiligi men alýandyǵyn arttyrady dep senemin», dedi mınıstr.
Sonymen qatar Baqytjan Saǵyntaev aıtyp ótkendeı, qazirgi ýaqytta bank jáne saqtandyrý sektorlarynda standarttalǵan lısenzııa ınstıtýtyn engizý boıynsha jumystar júrip jatyr.
Saýda ózara qarym-qatynastarynda ulttyq valıýtalardy paıdalanýdy damytý prosesterin talqylaý sheńberinde kezdesýge qatysýshylar ıntegrasııalyq prosesterdiń arqasynda ulttyq valıýtalardaǵy ózara saýdanyń úlesi 70 paıyzdan dan asqanyn atap ótti.
Baqytjan Saǵyntaev «ulttyq valıýtalardaǵy ózara esep aıyrysýlardyń turaqty ósýine qaramastan, múshe memleketter arasyndaǵy ózara saýda jáne qarjy aǵyndaryn arttyrý qajet» dep atap ótti.
Kezdesý barysynda qatysýshylar eýrazııalyq ıntegrasııa prosesteri aıasynda yntymaqtastyqty odan ári nyǵaıtý jáne ózara is-qımyl týraly pikir almasty.
