Densaýlyq saqtaý mınıstri Ajar Ǵınııattyń Túrkistanǵa jumys sapary barysynda osyndaı derekter aıtyldy. Sondaı-aq Marat Pashımov basqaryp otyrǵan oblystyq qoǵamdyq densaýlyq basqarmasynyń nátıjeli isteri atap ótildi.
О́tken jyldan bastap Prezıdent tapsyrmasy boıynsha «Ańsaǵan sábı» arnaıy baǵdarlamasy iske qosyldy, onda 2026 jylǵa deıin EKU-ǵa jyl saıyn 7000 kvota bólý qarastyrylǵan. О́tken jyly Túrkistan oblysynda 453 kvota bólindi, 62 áıel júkti boldy, 106-sy bala týýdyń baqytyna ıe boldy. Degenmen óńirge 200-den astam dáriger kerek. Ásirese, kardıolog, nevropatolog, reanımatolog, onkolog, okýlıst, ınfeksıonıst sekildi kadrlar tapshy.
Bul oraıda mınıstr máseleni sheshý maqsatynda atqarylyp jatqan jumystar jóninde de baıandady. Mysaly, elimizdiń joǵary oqý oryndaryn bitirgen jastar jumysqa shaqyrylmaq. О́tken jyly elimizdiń óńirlerine medısınalyq joǵary oqý oryndarynyń 3000-ǵa jýyq túlegi jiberilgen. Onyń ishinde Túrkistan oblysyna 180 qyzmetker kelgen. Al bıyl 170 túlekti jiberý josparlanyp otyr. Aýylǵa kelgen jas mamandardy áleýmettik qoldaý sharalary da qarastyrylady. О́tken jyly 225 maman kóterme járdemaqy alsa, 183 maman turǵyn úımen, 92 maman basqa da áleýmettik qoldaý sharalarymen qamtamasyz etilgen. Túrkistan oblysynda 25 maman kóterme járdemaqyǵy ıe bolǵan.
