Satyp alýshy – Almaty qalasynda tirkelgen «MAK» JShS. «MAK»-ty tarqatatyn bolsaq – «Mejdýnarodnyı aeroport Kyzyl-Jar» degen sóz shyǵady. Demek bul fırma osyǵan deıin áýejaıdyń jumysyn júrgizip kelgen eken, endi naqty ıesi bolady. Biraq konkýrstyń sharty boıynsha nysan bes jyl boıy memlekettiń ıeliginde qala beredi, tek bes jyl ótken soń konkýrstyń barlyq sharty oryndalsa ǵana áýejaıdyń tolyq bıligi ıesine túpkilikti beriledi. Al «Túpkilikti satyp alý quqy» degen shartty maǵynaly sóz osy úshin jazylady.
Konkýrstyń sharty boıynsha jańa ıesi áýejaıdyń múlkin tıimdi basqara otyryp, avıatasymaldyń qaýipsizdigin qamtamasyz etip, qarjylyq is-áreketin de turaqtandyrýy kerek. Satyp alýshyǵa alǵashqy qoıylǵan talaptar – osy. Qazir áýejaı turaqty rejimde jumys istep tur. «MAK» JShS byltyrdan beri birlesken is-áreket jónindegi kelisilgen kelisimshart boıynsha jumys istep, áýejaıdy qalypty jaǵdaıda jumys istetip kelgen. Qazir halyqaralyq reısterdi qabyldaý jáne olardy avıaotynmen tolyqtyrý jumystaryna sertıfıkat alý sharýalarymen aınalysýda.
Konkýrstarǵa qatysý úshin «MAK» JShS bıýdjettiń kiris bóligine 850 mln teńge jarna tólegen. Áýejaıdyń osy kúnge deıin basqarýshysy bolyp kelgen Soltústik Qazaqstan oblystyq jolaýshylar tasymaldaý jáne avtomobıl joldary basqarmasynan onyń múlkin aktpen qabyldap alǵan soń «MAK» JShS-y kásiporynnyń jumysyn jaqsartý boıynsha óziniń josparyn jarııalaıdy.
Osy kúnge deıin elimizdiń kóptegen qalasynyń áýejaılary jekemenshikke berilgen. Atap aıtqanda, Almaty, Túrkistan, Aqtaý, Atyraý jáne t.b. qalalardyń áýejaılary jekemenshikte. Endi solardyń qataryna Qyzyljar áýejaıy da qosylatyn boldy.
PETROPAVL
