Nurbek Badyraqov QR Prezıdenti Ákimshiliginiń kelisimi men Túrkistan oblysy ákiminiń ókimimen taǵaıyndaldy.
Jańa ákimdi aýdan aktıvine oblys ákimi О́mirzaq Shókeev tanystyryp, aldaǵy maqsat-mindetterin aıqyndap, Memleket basshysy bekitken tapsyrmalardy sapaly oryndaýdy júktedi. Sonymen birge aýdan ákimi qyzmetin atqarǵan Baǵlan Batyrshaevqa jemisti jumysy úshin alǵysyn bildirdi.
Nurbek Baqtybaıuly 1988 jyly 11 maýsymda Ońtústik Qazaqstan oblysynda týǵan.
Ol M.Áýezov atyndaǵy Ońtústik Qazaqstan memlekettik ýnıversıtetin, M.H.Dýlatı atyndaǵy Taraz memlekettik ýnıversıteti men Qazaqstan halyqtar dostyǵy ýnıversıtetin támamdaǵan.
Mamandyǵy – sý resýrstary jáne sýdy paıdalaný; quqyqtaný.
Eńbek jolyn 2009 jyly Ońtústik Qazaqstan oblysy aýyl sharýashylyǵy basqarmasynda statıst bolyp bastaǵan.
2010 jyly Ońtústik Qazaqstan oblysy aýyl sharýashylyǵy basqarmasynyń aýyl sharýashylyq ónimderin qaıta óńdeý jáne jańa tehnologııalardy engizý bóliminiń jetekshi mamany boldy.
2012 jyly Ońtústik Qazaqstan oblysy aýyl sharýashylyǵy basqarmasynyń egin jáne sý sharýashylyǵy bóliminiń basshysy, 2013-2015 jyldar aralyǵynda Ońtústik Qazaqstan oblysy aýyl sharýashylyǵy basqarmasy basshysynyń orynbasary qyzmetin atqarǵan.
2016-2017 jyldar aralyǵynda «QazAgro» ulttyq basqarýshy holdıngi» AQ ETU qyzmetin taldaý jáne damytý departamentinde bas menedjer, QR Parlamenti Májilisinde depýtat kómekshisi, Qazaqstan Respýblıkasy aýyl sharýashylyǵy mınıstrliginiń agroónerkásiptik keshendegi memlekettik ınspeksııa komıtetiniń Ońtústik Qazaqstan oblystyq aýmaqtyq ınspeksııasynyń basshysy, Shymkent qalasy ákimi apparatynyń basshysy boldy.
2018 jyldan bastap qazirgi ýaqytqa deıin Túrkistan oblysy aýyl sharýashylyǵy basqarmasynyń basshysy bolyp eńbek etip keldi.
