Qala ákiminiń orynbasary men onyń qaramaǵyndaǵy eki adamǵa qatysty úkim 6 maýsymda Ekibastuz sotynda jarııalandy.
Oblystyq sottaǵy apellıasııalyq satyda sheshim ózgerissiz qaldy. Ekibastuz ákiminiń orynbasary Baýyrjan Ahmetovke, TKSh bólimi basshysynyń orynbasary Aslanbek Sadyqov pen bas maman Qazbek Túsipbekovke memlekettik satyp alý sharttary boıynsha oryndalǵan jumystar aktilerine qol qoıǵany, sondaı-aq qamqorlyǵy úshin kásipkerlerden júıeli túrde para aldy degen aıyp taǵyldy.
- Úkim barlyq úsh adamǵa qatysty zańdy kúshine endi, - dep naqtylady oblystyq sotta.
Eske salsaq, sot úkimimen Baýyrjan Ahmetov segiz jylǵa, al Túsipbekov pen Sadyqov jeti jáne alty jylǵa bas bostandyǵynan aıyryldy.
Sottalǵandar alty aı ishinde Joǵarǵy sotqa kassasııalyq tártippen qaıta qaraý týraly ótinish bere alady.
Buǵan deıin orynbasary aıyptalǵan Ekibastuz ákimi eger oblys ákimi onyń otstavkasyn qabyldasa, qolastyndaǵylardyń áreketi úshin kabınetin bosatýǵa daıyn ekenin aıtty.
