22 shildede Ekologııa, geologııa jáne tabıǵı resýrstar mınıstrliginiń Balyq Sharýashylyǵy Komıteti vedomstvoaralyq zoologııalyq komıssııanyń otyrysynda kútim nemese oıyqtis balyqtaryn sırek kezdesetin jáne quryp ketý qaýpi tóngen janýarlar túrleriniń tiziminen shyǵarý týraly másele qaraldy.
Buǵan deıin atalǵan popýlıasııanyń jaı-kúıi oń baǵalanyp, Kaspıı mańy memleketteriniń Qyzyl kitaptarynan shyǵarylǵan edi.
Kópjyldyq ǵylymı zertteýlerdiń nátıjeleri Kaspıı teńizi akvatorııasy men Mańǵystaý oblysynyń jaǵalaýynda kútim popýlıasııasy sanynyń qalpyna keltirilgenin kýálandyrady.
Ǵalymdardyń pikirinshe, popýlıasııanyń jaǵdaıy men kútimniń turaqty ómir súrý jaǵdaılary genofondtyń saqtalýyn qamtamasyz etetin jáne olardyń tabıǵı kóbeıýine qaýip tóndirmeıtin shekterge deıin qalpyna keltirildi.
Osyǵan baılanysty vedomstvoaralyq zoologııalyq komıssııa oıyqtis balyǵyn Qazaqstan Respýblıkasynyń Qyzyl kitabynan alyp tastaýdy usyndy.
Qujat 12 tamyzǵa deıin Ashyq NQA saıtynda ornalastyrylǵan.
Kútim - sıprınıdter tuqymdasynan shyqqan balyq. Ol Kaspıı teńizinde tushy jáne tuzdy sýda mekendeıdi. Dene uzyndyǵy - 30-45 santımetr, keıde 70-ke deıin de barady, salmaǵy ádette 0,5 — 2 keli. Qarqyndy balyq aýlaý men lastaný nátıjesinde onyń popýlıasııasy edáýir azaıǵan edi, osyǵan baılanysty balyqtyń bul túri Qyzyl kitapqa engizildi.
