Otyrysta Aıgúl Quspan bıyl eki el arasynda dıplomatııalyq qatynastardyń ornaǵanyna 30 jyl tolǵanyn atap ótip, Qazaqstan men Koreıa arasyndaǵy yntymaqtastyq osy jyldar ishinde ózara túsinistik pen dostyq rýhynda damyp kele jatqanyna toqtaldy.
Sonymen qatar taraptar Qazaqstan Respýblıkasynyń Prezıdenti Qasym-Jomart Kemeluly Toqaevtyń ótken jylǵy Koreıaǵa memlekettik sapary barysynda eki el kóshbasshylary keńeıtilgen strategııalyq áriptestikti nyǵaıtýdy jalǵastyrýǵa nıetti ekenderin aıtty.
«Eki el parlamentteri arasyndaǵy ózara is-qımyl keńeıtilgen strategııalyq áriptestiktiń mańyzdy quramdas bóligi. Parlament zań shyǵarý qyzmetiniń túrli máseleleri boıynsha koreı áriptesterimen seriktestikti tereńdetýge daıyn», dedi Aıgúl Quspan.
О́z kezeginde Ý Von Shık jyl ótken saıyn Koreıa men Qazaqstan arasynda parlamentaralyq baılanys nyǵaıyp kele jatqanyn aıtty. Sonymen qatar Qazaqstan Ońtústik Koreıa úshin Ortalyq Azııadaǵy iri ári mańyzdy saýda seriktesi ekenine nazar aýdardy.
Otyrysqa Májilis depýtattary, Koreıa Respýblıkasymen yntymaqtastyq top músheleri Aıdos Sarym, Juldyz Súleımenova men Amanjol Áltaı qatysty.
Sońynda taraptar Qazaqstan men Koreıa arasyndaǵy yntymaqtastyqty nyǵaıtý, sonyń ishinde parlamentaralyq baılanysty odan ári damytý týraly kelisti.
