Kemirgishten keler kesel kóp

Zııankesterdiń kúrt kóbe­ıýi­ne áser etetin negizgi faktor túrli turmystyq qaldyq­tar­dyń beı-bereket tastalýy. Osynyń saldarynan qala aýma­ǵyndaǵy saıabaqtarda, ási­rese kópqabatty úılerdiń mańyn­da adam densaýlyǵy úshin asa qaýipti kemirgishter kóbeıedi. Ma­mandardyń sózinshe, kemir­gishterdiń keıbir túrleri tip­ti ólim jaǵ­daılaryna ákelip soq­tyratyn juqpaly aýrý­lardyń oshaǵy sanalady.

Qyshyma keneniń keıbir tuqym­dastary tipti kózge de shalynbaıdy. Bul jándik adam boıynda bórtpe, súzek, kene ensefalıti, týlıaremııa sııaqty aýrýlardyń órbýine jol ashady. Mundaı keneler jańbyrdan keıin kógaldy jerlerde kóptep kezdesedi. Sondyqtan tabıǵat aıasyna kókke shyǵatyn turǵyndar bul jaǵdaıdy qaperinde usta­ǵa­ny abzal. Mamandar zııankestermen kúres máselesi ár­daıym basty nazarda, biraq, ár azamat tazalyqqa mán berip, saq júrgeni jón degendi aıtady. Almaty qalasy aýmaǵyn zııankesterden zalalsyzdandyrý jumystarynyń jazǵy naýqany qyza túsken. Arnaýly keste negizinde taýly aımaqtar men demalys oryndarynda, qala aýmaǵyndaǵy saıabaqtarda zalalsyzdandyrý jumystary júrip jatyr. Buǵan quramynda tájirıbeli epıdemıolog dárigerler bar mamandar toby jumyldyrylǵan.

ALMATY