«Jyl basynan beri kókónis ónimderiniń baǵasy eleýli deńgeıde ósti, ıaǵnı pııaz, kartop jáne sábiz qymbattaǵan. Sonymen qatar, qant baǵasy da ósti», dedi E. Baltaev qalalyq máslıhattaǵy turaqty komıssııanyń otyrysynda.
Ol qymbattaý tendensııasy barsha álemde baıqalǵanyna toqtala ketip, FAO málimeti boıynsha azyq-túlik taýarlaryna baǵa ındeksi ótken jylmen salystyrǵanda maýsym aıynda 20 paıyzǵa óskenin aıtty.
«Bul turǵyda basty sebepterdiń biri retinde geosaıası ahýal men logıstıkada taýar tizbeginiń buzylýyn atap ótýge bolady», dedi ol.
Sonymen qatar basqarma basshysy áleýmettik mańyzy bar taýarlar eldiń ishki óndirisi esebinen qamtamasyz etilip otyrǵanyn jetkizdi. Degenmen qus eti jáne qantpen, irimshikpen qamtý áli de tıisti deńgeıde emes. Bul turǵyda jetispeıtin kólem ımporttalyp keletini aıtyldy.
