«Sonymen qatar atalǵan korpýsta kúndizgi stasıonar, ıntensıvti terapııa blogy, ınsýlt, mıokard ınfarktisi, kardıohırýrgııa, neırohırýrgııa jáne ortopedııalyq operasııalardan keıingi naýqastardy ońaltý blogy shoǵyrlanady. Aýrýhananyń birinshi korpýsyn tutastaı hırýrgııaǵa berý týraly sheshim qabyldanyp otyr», dedi Aıbek Dádebaev.
Onyń aıtýynsha, jańa korpýstyń dıagnostıkalyq bazasy joǵary sanatty eksklıýzıvti tehnologııalardan turady. Ol zamanaýı ozyq qondyrǵylarmen jabdyqtalǵan. Dıagnostıkalyq jabdyqtardy paıdalanatyn mamandar aldyn ala iriktelip, alys-jaqyn shetelderdiń úzdik emhanalarynda tájirıbeden ótken. Qazir dıagnostıkalyq keshenderdi retteý jáne kalıbrleý jumystary júrip jatyr. Medısınalyq jabdyqtar tolyq ornatylǵan. Jańa medısınalyq nysan osy aıdyń ishinde ashylady.
