Úkimet basshysynyń saıtynda atap ótilgendeı, Aýyl sharýashylyǵyn retteý máselelerin talqylaý aıasynda Premer-Mınıstr beıindi mınıstrlik tarapynan jiberilgen kemshilikterge nazar aýdardy.
«Aýyl sharýashylyǵy mınıstrligi ne istep jatqanyn durys túsindirmeıdi, sondyqtan kásipkerler ne bolyp jatqandyǵy týraly burmalanǵan túsinik qalyptastyrady. Bizde bıdaıdy shyǵarýǵa tyıym salý týraly sheshim bolǵan joq! Biz kvota túrinde shekteýler engizdik, biraq biz ony ádette eksporttaǵan kólemnen joǵary qoıdyq», dedi Álıhan Smaıylov.
Úkimet basshysynyń aıtýynsha, eger Qazaqstan aıyna shamamen 350 myń tonna astyq eksporttaıtyn bolsa, onda kvota osy jyldyń qyrkúıek aıynyń sońyna deıin qoldanystaǵy eksporttyq sharttardy shektemeı, biraq azyq-túliktik astyqty baqylaýsyz jappaı áketýden aldyn ala qorǵaýdy qamtamasyz etý úshin aıyna 500 myń tonnadan joǵary deńgeıde belgilenedi.
Sondaı-aq otyrysta agroónerkásiptik keshendi, metallýrgııany, kólik salasyn, energetıkany, salyqtyq ákimshilendirýdi damytý jáne basqa da máseleler qaraldy.
