Qazaqstan • 08 Tamyz, 2022

Qazaqstanda genderlik kórsetkish jaqsaryp keledi

63 ret kórsetildi

Dúnıejúzilik ekonomıkalyq forým aıasynda oqylǵan «Jahandyq genderlik alshaqtyq - 2022» baıandamasyna qaraǵanda, Qazaqstan genderlik teńsizdik boıynsha óz kórsetkishterin edáýir jaqsartyp, reıtıngte 65-shi orynǵa kóterildi, dep habarlaıdy Egemen.kz.

Genderlik teńsizdikti tómendetýdiń qazirgi qarqynynda búkil álem tolyq tepe-teńdikke jetý úshin 132 jyl qajet eken. Teńdiktiń jıyntyq kórsetkishi boıynsha TOP-5 elge Islandııa, Fınlıandııa, Norvegııa, Jańa Zelandııa jáne Shvesııa kiredi.

Qazaqstan genderlik teńsizdiktiń jahandyq ındeksi boıynsha «kórshiles» jáne reıtıngte Italııa, Izraıl, Grýzııa jáne Sıngapýr sııaqty elderden sál tómen ornalassa da, Slovakııa, Mońǵolııa, Chehııa, Polsha nemese Armenııadan alda tur. Al Ortalyq Azııa elderinde Qazaqstan 4-shi orynda.

«Sarapshylar qarastyrylyp otyrǵan krıterııler aıasynda Qazaqstannyń eń úlken jetistigi - áıelder men erler úshin mekteptegi jáne kásiptik bilimge qoljetimdilik boıynsha tolyq teńdik ekenin atap ótti. Sondaı-aq, densaýlyq saqtaý jáne ómir súrý krıterııi boıynsha joǵary baǵalar alyndy, onda salaýatty ómirdiń ortasha uzaqtyǵy jáne týý kezindegi jynystyq teńdik eskeriledi. Osy kórsetkishter boıynsha bizdi tıisinshe 27 jáne 44 orynǵa ornalastyrdy», dedi «Eńbek resýrstaryn damytý ortalyǵy» AQ basqarýshy dırektory Aleksandra Molchanovskaıa.

Eńbek naryǵyndaǵy múmkindikterge qatysty Qazaqstan bir jumys úshin jalaqynyń teńdigi ólshemi boıynsha 46-shy oryndy, jumys kúshine qatysý deńgeıi boıynsha 51-shi oryndy jáne biliktiligi joǵary jáne orta bilikti qyzmetkerler arasynda áıelderdiń teń ókildigi boıynsha 1-shi oryndy alady.

«Saıası quqyqtar men múmkindikterge teń qol jetkizý ólshemi boıynsha elimiz 146 eldiń ishinde 103-shi orynda ekenin atap ótken jón. Mundaı tómen kórsetkishter Ortalyq Azııanyń barlyq elderine tán. Bul áıelderdi joǵary saıası ókiletti jáne atqarýshy organdarǵa kóbirek tartý qajettigin bildiredi», dep qosty dırektor.

Sonymen qatar, qoldanystaǵy elektrondy eńbek kelisimsharttary boıynsha júrgizilgen taldaýǵa sáıkes, áıelder Qazaqstandaǵy joǵary bilikti mamandardyń negizin quraıdy. Alaıda, basshylyq laýazymdardaǵy áıelderdiń erlerge qatynasy aıtarlyqtaı tómen.

Sondaı-aq, biliktiligi tómen eńbekpen aınalysatyn áıelderdiń sany erlerge qaraǵanda edáýir kóp. Sonymen qatar, aýyl sharýashylyǵynda, qurylysta, ónerkásipte jáne kólikte erlerdiń aıtarlyqtaı ústemdigi baıqalady. Qyzmetkerlerdiń kirisin eskere otyryp, erlerdiń ortasha jalaqysy negizgi jumys toptaryndaǵy áıelderge qaraǵanda edáýir joǵary. Mysaly, er basshylar áıel menedjerlerine qaraǵanda orta eseppen 12,4% joǵary jalaqy alady. «Kásibı mamandar» tobyndaǵy áıelderdiń kóp bolýyna qaramastan, olardyń jalaqysy erlerge qaraǵanda 29% az. Eń úlken alshaqtyq «ónerkásip, qurylys, kólik jumysshylary» tobyna tıesili, munda erlerdiń ortasha jalaqysy áıeldermen salystyrǵanda 69% joǵary.

О́ńirler bólinisinde munaı jáne ónerkásiptik óńirlerde eńbekaqy tóleýdiń aıtarlyqtaı genderlik alshaqtyǵy baıqalady, al ońtústik jáne agrarlyq óńirlerde aıyrmashylyq az. Atap aıtqanda, Mańǵystaý oblysynda erlerdiń ortasha jalaqysy áıelderge qaraǵanda 86% kóp, jáne eńbekaqy tóleý boıynsha alshaqtyqqa negizgi úles «ónerkásip, qurylys, kólik jumysshylary» jáne «kásibı mamandar» sanattaryna tıesili», dedi Aleksandra Molchanovskaıa.

Sońǵy jańalyqtar

Qosymshanyń kómegi eleýli

Qoǵam • Búgin, 23:07

Qazaq dıasporasynyń qaıratkeri

Tarıh • Búgin, 23:01

Ormanmen syrlasqan ǵalym

Aımaqtar • Búgin, 22:59

Koreı teatrynyń torqaly toıy

Teatr • Búgin, 22:58

Lývrda qalǵan shyraǵdan

Suhbat • Búgin, 22:56

EcoStudentKZ: Jastar judyryqtaı jumyldy

Ekologııa • Búgin, 22:52

Sheberler sherýi

О́ner • Búgin, 22:50

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Uqsas jańalyqtar