Rýhanııat • 08 Tamyz, 2022

Meıirim shuǵylasy

54 ret kórsetildi

Tarıhta mádenıettiń jalpyadamzattyq qazynasyna eleýli úles qosqan áıel sýretshiler az emes. Shyǵarmashyl hanymdardyń óz qoltańbasy arqyly álemge aıtary bar. Á.Qasteev atyndaǵy óner mýzeıinde «Tań-Sholpan» halyqaralyq táýelsiz áıel sýretshiler qorynyń «Tolǵanystar» atty kórmesi ashyldy.

«Tań-Sholpan» halyqaralyq táýel­siz áıel sýretshiler qory Qa­zaq­stan men alys-jaqyn she­tel­der­diń kásibı sheberlerin birik­tir­gen biregeı óner alańy. Oǵan múshe názik jandylardyń esimderi respýblıkalyq jáne halyqaralyq kórmelerden bel­gili. Jobanyń negizin qalaýshy – Qazaqstan jáne Eýrazııalyq Sýretshiler Odaǵynyń múshesi, sýretshi-keskindemeshi Jámıla Takenniń aıtýynsha, qor­dyń maqsaty – sýretshi áıeldiń shy­ǵarmashylyq áleýetin ashý, onyń tulǵalyq, shyǵar­ma­shylyq jáne rýhanı ósýine jaǵdaı jasaý. О́ner alańynyń ataýy da tańnyń atysymen, tańǵy juldyzben, qaıta jańǵyrýmen jáne áıeldiń jasampaz qýatymen baılanystyrylǵan.

Kórmede usynylǵan shyǵar­ma­lar­da qazirgi ómirdiń shyn­dyǵyn kórsetetin áleý­mettik ta­qy­ryptaǵy tujyrym­da­ma­lyq jumystardan basqa, fıloso­fııa­lyq oılar, derek­siz keskindeme bar. Bul kórkem shy­ǵar­malarda, gobelenderde jáne kıiz­den ja­sal­ǵan pannoda beınelengen ult­tyq taqyryptardy qu­raıdy. Gra­fıka, sonymen qatar akvarel mánerimen usynylǵan óner týyn­dylary oı tereńdigimen, úılesimdi ko­lo­­rıstıkalyq kombınasııasymen erek­­shelenedi.

– «Tolǵanystar» – tujy­rym­da­malyq kórme. Qazir kúrdeli, geo­saıası oqıǵalar kezeńi. Adamdar, ásirese elimizdegi qańtar oqıǵa­synan jáne Ýkraınadaǵy jaǵ­­­daı­dan keıin bolashaqqa alań­­­daý­­shy­­lyqpen qaraı bastady. О́ki­­­­nishke qaraı, kópbalaly ana­­­­lar problemasy, jastar arasynda sýısıdtiń ósýi jáne t.b. jaǵdaılar oryn alýda. Biz syrttaı baqylaýshy bola almaımyz jáne óz shyǵarmalarymyzda bolyp jatqan oqıǵalardyń má­nin jetkizýge tyrysamyz, al jetkize aldyq pa, joq pa – ony kó­rer­menderimiz baǵalaıdy... Sýretshi –
halyqtyń úni, aınalada bo­lyp jat­qan barlyq jaǵdaıǵa sezim­tal. Ta­bıǵatty, qorshaǵan álem­di názik se­zinedi. Bizdiń uly dala sheksiz kók­jıek pen ashyq as­pan­nyń kógildir tuńǵıyǵymen ushtasqan bul álem – biz ómir súrgimiz, súıgimiz keletin dúnıe. Biz óz shyǵarmashylyǵymyzdy adam­darǵa kórsetkimiz keledi, álem­­degi órkendeý men mádenı-rý­­hanı jań­ǵy­rýdy qoldaımyz, óıtkeni bizdiń qorymyz «halyq­ara­lyq» mártebeni beker ıelenbegen. Qordyń femınıstik ıdeıalarǵa eshqandaı qatysy joq! Bizdi ónerge degen súıispenshilik, sulýlyqty jasaýǵa degen um­ty­lys biriktiredi. Bizdiń ár­qaı­­­sy­myz­dyń óz kózqarasymyz ben ózin­dik ereksheligimiz bar, biraq ynty­maq­tastyq prosesinde biz odan da kóp nársege qol jetkizemiz, – deıdi «Tań-Sholpan» qorynyń jetek­shisi, sý­retshi Jámıla Táken.

Ár jańa kórmede sýretshiler tyń týyndylar jasaýǵa tyrysady. Ár kórmeniń óz taqyryby men ıdeıalardy júzege asyrý ýaqyty bar. Aıtalyq, osy jyldyń naýryz aıyn­da elordadaǵy Ulttyq mýzeıde ashylǵan «Tikenekter arqyly...» kór­mesi Qazaqstannyń halyq aqy­ny Márııam Hakimjanovany eske alýǵa arnalǵan. Zamanaýı álem týraly oı júgirte otyryp, Qor sýretshileri eki perfomans jasady. Olardyń taqy­ryptary sıfrlyq tehnologııalar – «QR-sod dala» jáne geosaıası «Ala­qan­daǵy aspan». Sýretshiler álemdi tazalyqqa, izgilikke, ún­deı­di. Olardyń bárin ónerge ińkár etken meıirim shuǵylasy. Kórmede kórermender úshin beıne formattaǵy qoıylymdar da usy­nylǵan. Belgili ónertanýshy Natalıa Bajenova jetekshilik etetin óner jármeńkesi qyrkúıek aıynyń
10-na deıin jalǵasady.

 

ALMATY

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar