Jarysqa 300-ge jýyq shahmat jankúıerleri qatysady. 260 qatysýshy tirkeldi, onyń ishinde 9 eldiń tanymal halyqaralyq grossmeısterleri men halyqaralyq sheberleri - Qazaqstannan basqa AQSh, Nıderlandy, Lıtva, Ýkraına, Tájikstan, О́zbekstan, Belarýs jáne Reseı oıynshylary bar.
Festıvaldiń resmı ashylýy 16 tamyzǵa josparlanǵan. Baǵdarlamada úsh negizgi týrnır jarııalanǵan - «Atyrau Open», «Atyrau Juniors» jáne «Atyrau Blitz». Olardyń árqaısysynyń nátıjeleri áıgili shveısarııalyq júıe boıynsha baǵalanady jáne oıyndardy onlaın rejımde www.chess.com, www.chess24.com, www.nxt.chessbomb.com saıttary men festıvaldiń www.atyrauchessfestival.kz resmı saıtynan kórýge bolady.
Sonymen qatar sheberlik sabaqtar men bir mezgilde ótetin oıyn seansy kútilýde. Festıval aıasynda tóreshiler emtıhandy sátti tapsyryp, FIDE tóreshisi ataǵyn ala alatyn halyqaralyq arbıtrlerdiń alǵashqy semınary ótkiziledi.
«Bizdiń festıvaldiń maqsaty – Qazaqstanda shahmattyń sport túri retinde jan-jaqty damýyna úles qosý. Týrnır túrli elder men jas ókilderiniń basyn qosatyn eleýli oqıǵa bolady dep úmittenemiz. Shara aıasynda árbir shahmat jankúıeri óziniń kúshin «shaıqas alańynda» tájirıbe júzinde synap kóre alady. Festıvaldiń barlyq qatysýshylaryna tek sáttilik pen jeńis tileımin», dedi festıvaldiń uıymdastyrýshysy, birneshe dúrkin álem chempıony, sondaı-aq 2019 jyly áıelder arasyndaǵy klassıkalyq shahmattan Azııa chempıonatyn jeńip alǵan tuńǵysh qazaqstandyq Dınara Sádýaqasova.
Jalpy kepildendirilgen júlde qory 13 257 500 teńgeni quraıdy.
