Úkimet • 09 Tamyz, 2022

Úkimet basshysy aýyl balalaryn qosymsha bilimmen qamtýdy tapsyrdy

337 ret kórsetildi

QR Premer-Mınıstri Álıhan Smaıylovtyń tóraǵalyǵymen ótken Úkimet otyrysynda «Bilimdi ult» sapaly bilim berý» ulttyq jobasyn iske asyrý barysy qaraldy, dep habarlaıdy Egemen.kz QR Premer-Mınıstriniń baspasóz qyzmetine silteme jasap.

Oqý-aǵartý mınıstri Ashat Aımaǵambetovtiń habarlaýynsha, Ulttyq jobany júzege asyrýdyń nátıjesinde 2-6 jastaǵy balalardy qamtý 88,4%-dy, 3-6 jasta – 99%-dy qurady.

Mektepke deıingi tárbıe men oqytýdyń jańa modeli engiziledi. Oqytý shyǵarmashylyq pen qozǵalys belsendiligi jáne oıyn arqyly júrgiziledi. Ol úshin memlekettik standartqa, tıptik oqý josparlaryna jáne baǵdarlamalarǵa ózgerister engizildi.

Eresek balalardy qosymsha bilimmen qamtý 70,5%-ǵa deıin (2,4 mln-nan astam bala) ulǵaıdy, 2022 jyldyń sońyna deıin bul kórsetkishti 75%-ǵa deıin jetkizý josparlanyp otyr.

Sonymen qatar 175 myń múmkindigi shekteýli bala arnaıy psıhologııalyq-pedagogıkalyq qoldaýmen jáne erte jastan túzetýmen qamtyldy.

Kolledjderge oqýǵa túsýge birqatar jańashyldyq engizildi. Olar ekonomıka qajettiligine tıisti mamandar daıarlaýǵa negizdelgen. Mamandyq tańdaýda 9-synyp bitirip, oqýǵa túsýshilerge kásibı dıagnostıka engizildi, nátıjesinde talapkerler mamandyq tańdaý boıynsha usynystar alady.

О́z kezeginde Ǵylym jáne joǵary bilim mınıstri Saıasat Nurbek Ulttyq jobany iske asyrý aıasynda joǵary oqý oryndarynyń ınfraqurylymyn damytý, halyqaralyq akkredıtteýden ótken zamanaýı bilim berý baǵdarlamalaryn engizý, sheteldik áriptestermen akademııalyq almasýlardy keńeıtý, olardyń basqarýshylyq derbestigin keńeıtý jáne t. b. boıynsha jumystar jalǵasyp jatqanyn habarlady.

Baıandamalardy tyńdaǵan Premer–Mınıstr Ulttyq jobanyń basty mindeti – balabaqshadan bastap, bilim berýdiń barlyq deńgeılerinde halyqtyń sapaly bilimge qol jetkizýin qamtamasyz etý ekenin atap ótti.

«Bul baǵytta aýqymdy jumystar júrgizilip jatyr. 2021 jyldan beri 674 balabaqsha ashyldy. 326 jańa mektep paıdalanýǵa berildi. Sondaı-aq 1436 mektep jańǵyrtyldy. Memleket basshysynyń tapsyrmasy boıynsha «Jaıly mektep» pılottyq ulttyq jobasy ázirlenip jatyr. Osy joba aıasynda 2025 jylǵa deıin jańa qurylys standarttary boıynsha 840 myń oryn beretin mektepter salý kózdelgen», dedi Álıhan Smaıylov.

Úkimet basshysy jastardy kásiptik-tehnıkalyq bilimmen qamtý úshin bıýdjetten memlekettik tapsyrys boıynsha qosymsha 45 myń oryn bólingenin aıtty. Eńbek naryǵynyń suranysyna saı kadr daıarlaý úshin 500-ge jýyq kásiporyn kolledjderdi qamqorlyqqa aldy.

Sonymen qatar jetekshi sheteldik joǵary oqý oryndarynyń 4 fılıaly ashyldy. Innovasııalyq baǵyttar boıynsha shetelderden 400 oqytýshy tartyldy.

«Jalpy, bilim berý sapasyn jaqsartý boıynsha júıeli sharalar iske asyrylyp keledi», dedi Álıhan Smaıylov.

Premer-Mınıstr «Jaıly mektep» Ulttyq jobasyn pysyqtaý boıynsha barlyq sharalardy qabyldaýdy tapsyrdy.

«Oqý-aǵartý mınıstrligi Mádenıet jáne sport mınıstrligimen, óńir ákimdikterimen birlesip, aýyldyq jerlerde balalardy qosymsha bilimmen qamtýdy ulǵaıtsyn. О́ńir ákimdikteri jastardyń jumyspen qamtylýyn arttyrý maqsatynda memlekettik bilim berý tapsyrysy negizinde kolledjderge qabyldaýdy ulǵaıtýdy qamtamasyz etsin», dedi Premer-Mınıstr.

Sondaı-aq Ǵylym jáne joǵary bilim mınıstrligine Qarjy, Ulttyq ekonomıka mınıstrlikterimen birlesip, elimizdiń óńirlik jetekshi memlekettik ýnıversıtetteriniń bazasynda Akademııalyq artyqshylyq ortalyqtaryn qurý máselelerin pysyqtaý tapsyryldy.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar