«Atmosferalyq frontaldy bólikterdiń ótýimen elimizdiń basym bóliginde jańbyr, ortalyǵynda, soltústiginde jáne ońtústik-shyǵystyń taýly aýdandarynda qatty jańbyr jaýady, naızaǵaı, ekpindi jel soǵady, kúndizgi ýaqyttarda burshaq jáne ońtústik-shyǵysynda daýyl bolýy yqtımal. Respýblıkanyń soltústiginde túnde jáne tańerteń tuman, ońtústiginde túnde jáne tańerteń shańdy daýyl bolady», delingen «Qazgıdromet» habarlamasynda.
Qaraǵandy oblysynyń basym bóliginde, Aqmola oblysynyń ońtústiginde, shyǵysynda, ortalyǵynda, Pavlodar oblysynyń ońtústiginde Jambyl oblysynyń taýly aýdandarynda, Almaty oblysynda qatty jańbyr jaýady.
Kúndiz Atyraý oblysynda, Batys Qazaqstan oblysynyń ońtústiginde, Mańǵystaý oblysynyń soltústik-shyǵysynda qatty ystyq saqtalady.
Qyzylorda oblysynyń basym bóliginde, Túrkistan oblysynyń ońtústiginde, shyǵysynda, Atyraý oblysynyń soltústiginde tótenshe órt qaýpi jalǵasady.
