Sapardyń negizgi maqsaty – elimizdiń tarıhı mańyzy bar jerlerin aralap, keleshek urpaqqa ony jiti tanystyrý. Sapar baǵyty Ekibastuz qalasy Aqkól-Jaıylma aýyly, Baıanaýyl ulttyq tabıǵı saıabaǵy, Qońyr áýlıe úńgiri, Máshhúr Júsip Kópeev kesenesi jáne Áýlıe bulaqqa qaraı jasaldy.
Elordalyq Dostyq úıi alańynan jınaqtalyp, jolǵa shyqqan top, eń aldymen Pavlodar oblysy Ekibastuz qalasy mańyndaǵy aýylǵa baryp Isabek Ishan meshitine soǵyp, murajaıymen tanysty.
Odan ári delegasııa Pavlodar oblysyndaǵy Baıanaýyl aýylynyń soltústik-shyǵysynda, 17 km qashyqtyqta ornalasqan «Qońyr áýlıe» úńgirine bardy. Baspaldaqtardyń uzyndyǵy 110 metr, úńgirdiń jalpy uzyndyǵy 30 metr bolatyn Qońyr Áýlıege taǵzym etti.
Saıahatqa barǵan delegasııa músheleri «Taza Baıan – Taza Júrek» ekologııalyq senbiligin uıymdastyrdy. Barlyǵy birge kóldiń jaǵasyn qoqystan tazartty.
Kelesi kezekte Máshhúr Júsip Kópeev kesenesi jáne Áýlıe bulaqqa arheologııalyq-etnografııalyq qorym eskertkishine bardy.
Kesene shyraqshysy kelgen delegasııaǵa Máshhúr Júsip Kópeev týraly tolyqqandy maǵlumattar berip, qatysýshylar kókeıdegi suraqtaryna jaýap aldy. Sondaı-aq kesene basyna barǵan delegasııa qurbandyqqa mal shalyp, quran oqyp, maldyń etin elordadaǵy turmysy tómen otbasylarǵa taratyp berdi.
«Bizdiń qasıetti jerlerge jasaǵan saparymyz keremet áser qaldyrdy. Ásirese Máshhúr Júsip Kópeev boıyndaǵy qabiletterin estip tań qaldym. Ol kezde bilim áli berilgen joq, biraq sonda da qanshama synaqtardan ótip, ózin dáleldep shyqqan. Qazir ony barlyǵy tanyp bilý úshin jan-jaqtan saıahatpen kelip jatyr.
Sondaı-aq, Qońyr Áýlıe úńigirine bardym. Ol jaqqa kóterilý men úshin qıyn boldy. Aınalasyndaǵy tabıǵattan erekshe áser aldym. Qazaqstandaǵy mundaı ǵajaıyp oryndardan beıhabar edim. Mundaı jerlerge alǵash ret kelip otyrmyn. Munda ǵasyrlar boıy jatqan tastar men taýlar, olardyń arasynda ósip turǵan qaıyńdar erekshe áser qaldyrdy. Keleshek urpaq óz eliniń tarıhyn mindetti túrde bilip, damýy kerek jáne ótkendi bilýi qajet. О́tkensiz bolashaq joq», dedi delegasııa múshesi, elordalyq káris etnomádenı birlestiginiń ókili Pak Nadejda Vasılevna.
Aıta ketsek, elordalyq QHA buǵan deıin Aqmola, Qaraǵandy oblystarynyń kıeli jerlerine saıahattaǵan bolatyn. Mundaı saparlar aldaǵy ýaqytta dástúrli túrde ótetin bolady.
