Bilim • 11 Tamyz, 2022

IT mamandaryn daıarlaýǵa úles

124 ret kórsetildi

Taldyqorǵan joǵary polıtehnıkalyq kolledji NCCER qurylys salasyndaǵy ulttyq oqytý jáne zertteý ortalyǵynda akkredıtteýden ótken oqý ortalyǵy mártebesin alýǵa nıetti. Osy maqsatta kolledj halyqaralyq salalyq baǵalaýdyń úshinshi kezeńin aıaqtady. Sondaı-aq Germanııanyń Aǵa sarapshylar qyzmetimen birlesip yntymaqtastyq jobasyna qatysýdy josparlap otyr.

Memleket basshysy Q.Toqaev elimizde 1 myń IT mamanyn daıarlaý jóninde tapsyrma júktegeni belgili. Osy oraıda polı­teh­nı­ka­lyq kolledj IT mamandar daıar­laý­da jaqsy nátıjelerge qol jet­kizip kele jatqan tabysty bi­lim berý meke­mesi retinde tanylyp keledi. Mysaly, statıstıka bo­ıynsha 2020 jyly kolledjdiń IT baǵytyndaǵy túlekteriniń 92 paıyzy jumysqa ornalassa, byltyr bul kórsetkish 96 paıyzdy quraǵan. Mundaı nátıjege 2019 jyly IT-ortalyq kolledjiniń bazasynda STEM-aımaq, kovorkıng ortalyǵy, beıne jáne fotostýdııa, Bıznes-ınkýbator, WorldSkills jattyǵý lageri qurylyp, jumys istegeni oń yqpal etti. Munda sonymen qatar Cisco jáne steam jelilik akademııalary jumys is­teıdi. Ortalyqta stýdentterge ar­nal­ǵan Web-dızaındeý men ázir­leý, 3D-modeldeý, CAD platformasynda jobalaý praktıkalyq sabaqtary men oqytý kýrstary ótki­zi­ledi. Sondaı-aq kolledjde jańa IT-tehnologııalardy meńgerýge arnalǵan zerthana jumys isteıdi. Jalpy, búginde oblys kóleminde 59 IT-synyp, 12 STEAM-kabınet, IT-mektep bar.

Sondaı-aq kolledj qazirgi za­manǵy eńbek naryǵynyń talaptaryn eskerip, qurylys salasynda ma­mandar daıarlaýǵa erekshe kóńil bólip otyr. Búginde munda osy mamandyqtarda 141 stýdent bilim alýda.

Kolledj dırektory Erqat Muqa­janovtyń aıtýynsha, bilim orda­sy búginde NCCER Project Supervision baǵdarlamasy boıynsha Ulttyq oqytý jáne qurylys sala­syndaǵy zertteý ortalyǵynda akkre­dıtteýden ótken oqý ortalyǵy mártebesin alý úshin halyqaralyq salalyq baǵalaýdyń úshinshi kezeńin aıaqtady. Akkredıtteýden sátti ótken jaǵdaıda mekeme qurylys sa­la­­­syndaǵy jumyskerlerdi sertı­fı­kat­taýǵa quqyq beretin halyq­ara­­lyq úlgidegi qujatqa ıe bolady. Bul sertıfıkat maman quzyretiniń kásibı standarttarǵa, onyń ishinde halyqaralyq standarttardyń talaptaryna sáıkestigin tanýǵa jáne rastaýǵa arnalǵan. Halyqaralyq sa­lalyq attestattaýdyń barlyq ke­ze­ńin jyl sońyna deıin aıaqtaý jos­parlanyp otyr.

«Eń basty mindetimizdiń biri – túlekterimizdi jumysqa orna­lastyrý deńgeıin arttyrý, olar­dyń biliminiń, iskerligi men daǵ­dy­larynyń básekege qabilettiligin kóterý. Sondyqtan biz qurylys maman­dyqtary boıynsha halyq­ara­lyq salalyq akkredıtteýden ótýge shyndap kiristik. Bul rette bizge «Talap» KeAQ tıisti qoldaý kórsetti. Osy synaqtan sátti ótsek, bul bizge qurylys salasyndaǵy jumysshylardyń biliktilikteri boıynsha ımport almastyrýdy qamtamasyz etýge múmkindik beredi. Sóıtip, birte-birte otandyq iri kom­panııalar sheteldik mamandardy jumysqa shaqyrýdy azaıtatyn bolady. Tipti oǵan qajettilik te bolmaıdy. Bizdiń túlekterimiz qoldaryna halyqaralyq sertıfıkat alyp, ózderiniń básekege qabilettilik deńgeıin arttyrýmen qatar eńbekaqysynyń deńgeıin de edáýir arttyra alady. Demek jyl ótken saıyn biz keńsede jumys isteı­tinder ǵana jaqsy aqsha taba alady degen stereotıpti jeńemiz dep oılaımyn. Osylaısha, jastar kolledjde oqyp, qajetti jumysshy mamandyǵyn meńgerip te tabysty bola alatynyn túsine bastaıdy», dedi E.Muqajanov.

Kolledj basshysynyń aıtýyn­sha, osy jobanyń sheńberinde meke­meniń 5 oqytýshysy 1-5 tamyz aralyǵynda birneshe pozısııa boıynsha qysqa merzimdik kýrstan ótken. Endi olar NCCER bazasynda oqytýshy, úlgerimdi baqylaýshy, oqý baǵdarlamasynyń ınspektory retinde tirkeldi.

 

Jetisý oblysy

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar