Medısına • 11 Tamyz, 2022

Tamyrdy jalǵaǵandar – ómirdi syılaǵandar

54 ret kórsetildi

Qaraǵandydaǵy oblystyq kardıohırýrgııa ortalyǵynda asa kúrdeli otalardy jasaıtyn joǵary bilikti mamandar eńbek etedi. Mysaly, jyl basynan beri atalǵan medısınalyq mekemede aortasy úzilgen bes naýqasqa ota jasalǵan.

Dárigerlerdiń aıtýynsha, bul patologııanyń qaýipti tobyna emdeýden ótpeıtin joǵary qan qysymy bar jáne aterosklerozy bar adamdar jatqyzylady eken.

Mamandar aortanyń jyrtylý jaǵdaılarynyń 80%-y baqytsyz jaǵdaımen aıaqtalatynyn aıtady. Sebebi eń úlken tamyr men onyń qabyǵy tolyq jyrtylsa, adam qandy kóp joǵaltyp, júrip ketýi ábden múmkin.

Taıaýda atalǵan ortalyqtyń kardıohırýrg dárigerleri qolqa tamyry úzilgen naýqasty ajaldan arashalap qaldy. Jasy 58-ge kelgen qala turǵyny ózin nashar sezingendikten jedel járdem kardıologııalyq ortalyqqa jetkizgen eken. Bul jerde oǵan aortanyń jarylýy dıagnozy qoıyldy.

Joǵary sanatty kardıohırýrg, kardıoorta­lyq­tyń dırektory Arystan Maǵzu­mov tamyrdyń jarylýy eki kezeń­nen turatynyn aıtady. Birinshi jaǵdaıda aorta úzilip ketedi eken de, adam birden kóz jumatyn kó­rinedi. Al keıde ishki bólik jarylyp, tamyr syrtqy qabatynda ustalyp turady eken.

– Bul – aman qalýǵa múmkin­digi bar pasıentter. О́ıtkeni jyr­tylǵan jerdi protezdeý ju­mystaryn júrgizýge múmkindik bar. Al bul naýqasta aortanyń kóterilip kele jatqan bóligi ǵana zaqymdalmaı, tamyrdyń úzi­lýi joǵaryǵa shyǵyp ketken. Ta­myr kóp bolǵandyqtan, atal­ǵan aýmaqty protezdeý de qıyn boldy, – deıdi A.Maǵzumov

Rasynda da, joǵary bólim men aorta doǵasyn protezdeý operasııasy shamamen bes saǵatqa sozylypty. Jasandy qan aınalym apparatyna qosylǵan naýqastyń júreginiń qaǵysy biraz ýaqytqa toqtatylyp, denesi 18 gradýsqa deıin salqyndatylǵan. Abyroı bolǵanda, operasııa sátti aıaqta­lyp, pasıent eki aptaǵa jýyq jansaqtaý bóliminde bolyp, odan keıin ońaltý kýrsynan ótken.

Qazir naýqas óziniń burynǵy qalpyna kele bastaǵanyn aıtady.

– Dál osy jaǵdaıda maǵan taǵ­dyr eki márte syı jasady. Jedel járdem feldsheri óte tájirıbeli bolyp shyqty jáne birden kar­dıologııalyq ortalyqqa jiberýge sheshim qabyldady. Ekinshi rette osyndaı bilikti hırýrgter­ge tap bolyp, janymnyń qalǵanyn aıtýǵa bolady, – deıdi ol rıza­shylyqpen.

Ortalyqtaǵy eresekter kar­dıo­hırýrgııasy bóliminiń meń­gerýshisi Sergeı Soı bul pato­logııanyń kúrdeliligi men qaýip­tiligi atalǵan dertke tán kel­meıtin belgilerge baılanys­ty bola­tynyn aıtady.

– Kompıýterlik tomografııa, kardıoskopııa tárizdi arnaıy ádistersiz klınıkalyq dıag­noz qoıý óte qıyn. Dıagnozdan keıin bir ǵana sheshim bar – adam múmkindiginshe tezirek opera­sııa­ǵa jatqyzylýy kerek, – deıdi S.Soı.

Aıta ketý kerek, aorta bó­li­min protezdeý boıynsha ope­rasııa­lar MÁMS júıesi aıasynda júrgiziledi. Medısınalyq saq­tandyrý qory olardyń árqaı­sysyna 2,6 mln teńgeden qarjy bóledi eken.

 

QARAǴANDY

Sońǵy jańalyqtar

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar