Qoǵam • 12 Tamyz, 2022

Taǵy 5 mln gektar jer memleketke qaıtarylady

53 ret kórsetildi

Premer-Mınıstrdiń birinshi orynbasary Roman Sklıardyń tóraǵalyǵymen paıdalanylmaı jatqan jáne zańnamany buza otyryp berilgen jerlerdi memleket menshigine qaıtarý jónindegi komıssııanyń kezekti otyrysy ótti, dep habarlaıdy Egemen.kz QR AShM baspasóz qyzmetine silteme jasap.

Qazaqstannyń Aýyl sharýashylyǵy mınıstri Erbol Qarashókeev aýyl sharýashylyǵy jerlerin anyqtaý jáne qaıtarý boıynsha júrgizilip jatqan jumystardyń nátıjeleri týraly esep berdi. Onyń aıtýynsha, jyl basynan beri jáne 10 tamyzdaǵy jaǵdaı boıynsha komıssııa 1 mln 119 myń ga jerdi memleketke qaıtardy, bul ótken jylmen salystyrǵanda 2,7 ese kóp. Byltyr kórsetkish 400 myń ga kórsetken bolatyn.

«Qazir 2 mln 94 myń ga alańda jer paıdalanýshylarǵa qatysty 724 jospardan tys tekserý júrgizilýde, prokýratýra organdarynda 698,4 myń ga jerdi tekserý boıynsha 48 ótinish tirkeý satysynda tur», dedi mınıstr.

Budan bólek, jyl basynan beri QR AShM Jer resýrstaryn basqarý komıtetiniń aýmaqtyq bólimsheleri ákimdikterdiń ýchaskelerdi zańnama talaptaryn buza otyryp bergen 74 faktini anyqtaldy.

«Sonymen qatar mal jaıý úshin 16 mln ga kóleminde jaıylymdardyń jetispeýshiligi baıqalady, bul jaǵdaı mal basynyń qysqarýyna jáne aýyldaǵy áleýmettik narazylyqtyń ósýine alyp keledi», dep tolyqtyrdy Erbol Qarashókeev.

Jalpy, komıssııa 7,45 mln ga alańda 2584 sýbektige qatysty tekserý júrgizýdi josparlap otyr, onyń ishinde – 585,2 myń ga egistik pen 6,86 mln ga jaıylym jer bar.

Aýyl sharýashylyǵy mınıstri jergilikti ákimdikterdi paıdalanylmaı jatqan aýyl sharýashylyǵy alqaptaryn anyqtaý boıynsha jumysqa belsendi qatysýǵa, sondaı-aq AShM-ge jer ýchaskeleri boıynsha usynylatyn derekterdiń anyqtyǵy men ózektiligin baqylaýǵa shaqyrdy.

2022 jyly 9 tamyzda Qazaqstan Prezıdenti jer zańnamasynyń saqtalýyna tekserý júrgizýge moratorııdiń kúshin joıýdy kózdeıtin Jarlyqqa qol qoıǵany belgili.

Bıylǵy jyldyń sońyna deıin memleket menshigine paıdalanylmaı jatqan jáne qoldanystaǵy zańnamany buza otyryp berilgen 5 mln gektarǵa deıin aýyl sharýashylyǵy jerlerin qaıtarý josparlap otyr.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Uqsas jańalyqtar