Almatynyń túbindegi áskerı bólimde soldat qaza tapty

ASTANA. 7 mamyr. Almaty qalasynyń túbindegi áskerı bólimderdiń birindegi shekara beldeýi ústinen qarýmen atyp óltirilgen soldattyń máıiti tabyldy. Bul týraly mgorod.kz saıty habarlady. Qazaq tapqan qatardaǵy jaýyngerdiń aty-jóni Arman Naýryzǵalıev ásker qataryna 2013 jyly kúzde Batys Qazaqstan oblysynan shaqyrylǵan eken. Ol shekara bólimine tap kelipti. «Biz odan áskerge barýdy toqtata turýdy ótingen edik, - deıdi qaza tapqan sarbazdyń ápkesi Marına. – Biraq ol áskerde qyzmet etýge qatty qushtar boldy da, eshkimdi tyńdamady». Áskerı bólimnen habar jetkennen keıin Armannyń ákesi men aǵasy birden Almatyǵa ushyp keldi. «Bizge telefonmen habarlasyp, Armannyń myltyqpen atylyp, jaraqat alyp qalǵany aıtyldy, - deıdi ápkesi. – Biraq bizdiń oqıǵnyń qalaı bolǵany jónindegi suraǵymyzǵa jaýap bermedi. Sodan keıin telefon tutqasyn da eshkim almaı qoıdy. Al bólim komandırine shyqqanymyzda, ol balanyń ózin ózi atyp tastaǵanyn aıtty». Ata-analarynyń aıtýlarynsha, qaza tapqan soldat sodan shamaly ýaqyt buryn ózge bireýdiń telefonymen habarlasyp, óziniń telefony balansyna 1000 teńge salýdy ótinipti. Biraq týystarymen sóılespeı qoıǵan. Qurysh Nurymbet. Derekkóz: mgorod.kz. Foto: 00-000-pochemu.info.