Qoǵam • 15 Tamyz, 2022

Materıaldyq kómek – 40 myń teńge

155 ret kórsetildi

Eki aptadan soń elimiz boıynsha – 1 qyrkúıek bilim kúni bastalady. Jan-jaqta demalyp júrgen shákirtterdiń shattyqqa toly meıramy. Saǵyna qaýy­shatyn, asyǵa júzdesetin aıryqsha sáti. Mektep tabaldyryǵyn endi attaǵan bal­dyrǵandardyń tolqyp, erekshe sezimge keneletin keremet kúni. Jańa oqý jylyna dep jańa kıim, jańa zattar satyp alǵan oqýshylar jeıdesin kıgenshe, sý jańa sómkesin arqasyna asynyp, synyptastaryna kórsetkenshe asyǵatyny aıtpasa da túsinikti. Deı turǵanmen, turmystyq jaǵdaıyna baılanysty áli kúnge ádemi kıim, qalamsap, oqý quraldaryn ala almaı otyrǵan otbasylardyń da baryn esten shyǵarmaǵan abzal.

Áleýmettik turǵydan álsiz otbasylar úshin memleket tarapynan ártúrli sharapatty sharýalar atqarylýda. Materıaldyq qoldaý ju­mys­­tary da júıeli júrgizilýde. Jaqynda Nur-Sultan qalasynyń ákimi Altaı Kólginov jal­py­ǵa mindetti bilim berý aıasynda oqýshylar úshin 670 mln teńge bólinetinin málim etken bolatyn.

«Jalpyǵa mindetti bilim berý aıasynda áleý­met­tik az qamtylǵan otbasylardan shyqqan balalarǵa kómek kórsetý úshin 670 mln teńge bólemiz. Baǵdarlama boıynsha mektepke qajet kıim, aıaqkıim, keńse taýarlaryn satyp alý máselesi qarastyrylyp otyr. Áleýmettik az qamtylǵan otbasylardan shyqqan 16 700-den astam balaǵa osyndaı materıaldyq kómek beriledi. О́tken jyldarmen salystyrar bolsaq, materıaldyq kómek kórsetilgen balalar sany artty. Máselen, 2020 jyly – 13 245 bala, al 2021 jyly – 14 620 oqýshy. Ár balaǵa 40 myń teńgeden bólemiz. Mysalǵa, otbasynda 4 bala bolsa, 160 myń teńge beriledi. Osyǵan deıin ár balaǵa arnalǵan materıaldyq kómek kólemin 40 myń teńgege deıin arttyrdyq. Materıaldyq kómek ótinish berýshiniń bank kartasyna (nemese arnaıy shotqa) aýdarylady. Osylaısha, ótinish bergen ata-ana kez kelgen dúkenge baryp, qajet kıim men oqý quraldaryn satyp ala alady. Bul rette bólingen qarajat balanyń qajet zattaryna ǵana jumsalǵanyn qujat arqyly (túbirtekter, tólem týraly chekter) rastaý qajet. Ma­terıaldyq kómek alý úshin balańyz oqıtyn mek­tepke júginýińiz kerek. Qazirgi ýaqytta oqý oryn­darynyń ákimshiligi tizim jasap jatyr», dedi qala basshysy.

Nur-Sultan qalasy bilim basqarmasynyń basshysy Qasymhan Senǵazıev bıyl elordada birinshi synypqa 26 myńǵa jýyq bala baratynyn aıtty. Osy jyly mektepterdiń kitaphana qory qaıta basylyp shyqqan 2-synyptyń oqýlyqtarymen jańartylady. Búginde qorda 2,5 mln-nan astam oqýlyq bar.

«Jańartylǵan oqýlyqtardyń alǵashqy toptamasy 12 tamyzda jetkiziledi, berý 15 tamyzda bastalady. Qazirgi ýaqytta mektepter 1, 3-9 synyptarǵa oqýlyqtar shyǵara bastady. Osy jyldyń 25 tamyzyna deıin elorda oqý­shy­la­rynyń 100%-y oqýlyqtarmen jáne oqý-ádis­temelik keshendermen qamtamasyz etiledi», dedi Q.Senǵazyev. Balalar sanynyń ósýine baılanys­ty 1 mln-nan astam kitap satyp alynady.

Jyl saıyn elordada «Jalpyǵa mindetti bilim berý» baǵdarlamasy aıasynda mektep kıimin, aıaqkıimdi, jazý kerek-jaraqtaryn satyp alý kózdeledi. Bıyl mektep kerek-jaraqtary men kıimder aqshalaı túrde beriledi. Nur-Sultan qalasynyń 16 720 bilim alýshysy materıaldyq kómek ala alady. Materıaldyq kómek kólemi bir balaǵa 40 myń teńgeni quraıdy. Nur-Sultan qalasy Bilim basqarmasynyń basshysynyń aıtýynsha, búgingi tańda elorda mektepterine 8 myńnan astam ótinish kelip túsken.

«Materıaldyq kómek alý úshin ótinish, banktik kartochkanyń 20 tańbaly nómiri qajet, onyń ıesiniń nesıelik qaryzy joq jáne kartasy buǵattalmaǵan bolýy kerek. Nemese materıaldyq kómekti aýdarý úshin bankte arnaıy shot ashady. Bul rette qarajattyń maqsatty paıdalanyl­ýyn (túbirtekter, tólem týraly chekter, foto) qujatpen rastaý jáne olardy satyp alǵan kúnnen bastap 15 jumys kúni ishinde mektep­ter­ge usyný qajet. Materıaldyq kómekti kimder ala alady? Olar AÁK alýǵa quqyǵy bar otba­sy­­lardan shyqqan balalar, orta eseppen jan basyna shaqqandaǵy AÁK almaıtyn otbasylardan shyqqan balalar, tabysy eń tómengi kúnkóris deńgeıinen tómen (37 389), jetim balalar jáne ata-anasynyń qamqorlyǵynsyz qalǵan balalar, shuǵyl kómekti qajet etetin otbasylardan shyqqan balalar, TJ saldarynan shuǵyl kómekti qajet etetin otbasylardan shyqqan balalar, basqa sanattar, ómirlik qıyn jaǵdaıǵa tap bolǵan otbasylar jáne múmkindigi shekteýli balalardy tárbıelep otyrǵan otbasylar ala alady. Bilim basqarmasy osy másele boıynsha bilim berý uıymdarynyń basshylarymen túsindirý jumystaryn júrgizdi. Qazirgi ýaqytta jalpy bilim beretin mektepterdiń ákimshilikteri halyqtyń muqtaj toptarynyń tizimin qalyptastyrý boıynsha jumys júrgizýde», dep atap ótti basqarma basshysy.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar