Erlan Qııasov Qazaqstan Respýblıkasynyń Densaýlyq saqtaý mınıstrligi Sanıtarııalyq-epıdemıologııalyq baqylaý komıteti Ulttyq saraptama ortalyǵynyń Basqarma tóraǵasy boldy. Bul týraly vedomstvo saıtynda habarlandy.
Erlan Qııasov 1973 jyly Almaty qalasynda dúnıege kelgen. QazMMÝ, Ortalyq Azııa ýnıversıtetin, ál-Farabı atyndaǵy QazUÝ, «Turan-Astana»ýnıversıtetin bitirgen.
Eńbek jolyn 1990 jyly Almaty qalasyndaǵy «Jedel járdem aýrýhanasynyń» jansaqtaý bóliminde sanıtar bolyp bastady.
1997-1999 jyldary Almaty qalasyndaǵy Qazaqstan Respýblıkasynyń Áýe kóligi ortalyq sanıtarııalyq-epıdemıologııalyq stansııasynyń sanıtar dárigeri, epıdemıology bolyp eńbek etti.
1999 jyldan 2020 jylǵa deıin QR Prezıdenti Is basqarmasy Medısınalyq ortalyǵynyń qurylymynda – sanıtarııalyq-epıdemıologııalyq stansııasynyń jalpy gıgıena boıynsha dárigeri, jedel bólim meńgerýshisi, sanıtarııalyq-epıdemıologııalyq qadaǵalaý basqarmasy epıdemıologııalyq bólimniń meńgerýshisi, «Sanıtarııalyq-epıdemıologııalyq saraptama ortalyǵy» RMK dırektory, QR Prezıdenti Is basqarmasy Medısınalyq ortalyǵy meńgerýshisiniń orynbasary boldy.
2020-2022 jyldary QR Densaýlyq saqtaý vıse-mınıstri – Qazaqstan Respýblıkasynyń Bas memlekettik sanıtarlyq dárigeri bolǵan.
