Qazaqstan • 15 Tamyz, 2022

Bizdiń pavılon – eń úzdik

79 ret kórsetildi

Máskeýdegi Halyq sharýa­shy­lyǵy jetistikteri kórme­sin­de «Qazaqstan» pavılony úz­dikter qatarynan kórindi.

Dálirek aıtsaq, «Qurylys salasynda júzege asyrylǵan eń úzdik joba» baıqaýynyń «Mádenı mura obektilerin zamanaýı paıdalanýǵa beıimdeý jáne qaıta qalpyna keltirý» atalymy boıynsha jeńimpaz atandy. Marapattaý rásimi ádettegideı Qurylysshylar kúni qarsańynda «Manej» ortalyq kórme zalynda ótti. Úzdikterdi Máskeý meri Sergeı Sobıanın marapattady.

Baıqaýdy Máskeýdiń Qala qurylysy saıasaty departamenti 2000 jyldan beri ótkizip keledi. Sondaı-aq bul Reseı astanasyndaǵy eń bedeldi kásibı marapattardyń biri sanalady.

Bul joly baıqaýǵa 2021 jyly paıdalanýǵa berilgen 107 joba qatysty. Qatysýshylar qurylystyń negizgi baǵyttaryn qamtıtyn turǵyn úıler, medı­sınalyq jáne bilim berý meke­meleriniń qurylysynan bas­tap, kóshe jáne jol jelisi obek­tilerine, metropolıtenge deıin, mádenı mura nysandaryn qal­pyna keltirý jáne zamanaýı paı­dalanýǵa beıimdeý sııaqty 12 nomınasııa boıynsha usynyldy. Jeńimpazdardy saraptamalyq keńes pen qalalyq baıqaý komıssııasy anyqtaǵan.

Eske sala keteıik, Halyq sharýa­shylyǵy jetistikteri kór­mesindegi «Qazaqstan» pavılony 2021 jyldyń sońynda keń aýqymdy qaıta qalpyna keltirý jumystarynan keıin ashyldy. Pavılonǵa HH ǵasyrdyń ortasyndaǵy tarıhı kelbeti qaıtaryldy. Jeltoqsanda ol Máskeý úkimetiniń «Máskeýlik qal­pyna keltirý – 2021» baı­qaýy­nyń laýreaty atandy. Al shildede qaıta qalpyna keltirýge qosqan úlesi jáne is-sharanyń kún tártibindegi belsendi jumysy úshin Halyq sharýashylyǵy jetistikteri kórmesiniń «Altyn belgisimen» marapattaldy.

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar