«Shildede Qazaqstanda aılyq ınflıasııanyń ósý qarqyny burynǵysynsha joǵary deńgeıde bolǵanymen, bir aı burynǵy 1,6%-dan 1,1%-ǵa deıin tómendedi. Ortasha alǵanda, sońǵy bes jylda shildede aılyq ınflıasııa 0,3%-dy qurady. Baǵa ósiminiń báseńdeýi jemis-kókónis ónimderi qunynyń maýsymdyq tómendeýiniń áserinen boldy. Tutyný baǵasynyń ósý qarqynynyń anaǵurlym eleýli báseńdeýi jalǵasyp jatqan yntalandyrýshy fıskaldyq saıasat aıasynda ekonomıkadaǵy suranystyń jalǵasýy, jalǵasyp jatqan geosaıası shıelenis jáne soǵan baılanysty naryqtyq teńgerimsizdik jaǵdaıynda ekonomıkanyń syrtqy jáne ishki sektorlaryndaǵy qysym kedergi keltiredi. Osynyń aıasynda shildede jyldyq ınflıasııa 14,5%-dan 15%-ǵa deıin ósti», dedi Ulttyq bank tóraǵasynyń orynbasary Aqyljan Baımaǵambetov.
Onyń aıtýynsha, ınflıasııaǵa úlestiń jartysynan astamy azyq-túlik baǵasynyń ósýi esebinen jalǵasýda.
«Osylaısha, azyq-túlik ınflıasııasy 19,2%-dan 19,7%-ǵa, azyq-túlikke jatpaıtyn taýarlar – 13,2%-dan 14,2%-ǵa deıin ósti. Aı saıynǵy salystyrmaly túrde joǵary ósý qarqynyna qaramastan aqyly qyzmetterge ınflıasııa 2021 jyly joǵary bazanyń áserinen 9,2% deńgeıinde ózgerissiz qaldy. Osylaısha, ekonomıkadaǵy ınflıasııalyq qysym joǵary deńgeıde qalyp otyr. Inflıasııa men ınflıasııalyq kútýlerdiń údeýin, olardyń turaqtylyǵyn, suranystyń fıskaldyq yntalandyrylýyn jáne syrtqy ınflıasııaǵa qarsy fondy eskere otyryp, osy jyly 25 shildede Qazaqstan Respýblıkasynyń Ulttyq Banki bazalyq mólsherlemeni 14%-dan 14,5%-ǵa deıin kóterdi. Bul aldaǵy jyly ınflıasııaǵa birtindep áser etedi», dedi A. Baımaǵambetov
О́z kezeginde Qazaqstan Respýblıkasynyń Premer-Mınıstri Álıhan Smaıylov jaýapty memlekettik organdarǵa ınflıasııany tejeýdiń qoldanystaǵy quraldaryn belsendirek paıdalanýdy tapsyrdy.
«Shilde aıynda eldegi jyldyq ınflıasııa 15 paıyzdy qurady. Máselen, ótken aptada men monopolııaǵa qarsy agenttikke kompanııanyń qyzmetin tekserýdi tapsyrdym, bul qymbatshylyq pen qant tapshylyǵyna baılanysty bolýy múmkin. Bul másele kópten beri kóterilip keledi. Sondyqtan mundaı jaǵdaılardy jaýapty memlekettik organdar erte kezeńde anyqtap, aldyn alýy kerek. Inflıasııany tejeýge qajetti quraldar bar, memlekettik organdar men ákimdikter olardy tıimdi paıdalanýy kerek», dedi Álıhan Smaıylov.
Úkimet basshysy deldaldyq shemalardy tekserý jónindegi komıssııa jumysyn jandandyrý, óńirlerde áleýmettik mańyzy bar azyq-túlik taýarlaryna baǵanyń 15 paıyzdyq ústeme baǵasyna baqylaýdy kúsheıtý jáne ákimdikterdiń forvardtyq satyp alý boıynsha kelisimsharttardy ýaqtyly jasasý qajettiligine nazar aýdardy.
