Sınoptıkterdiń málimetinshe, kúzde aýa raıy qubylmaly bolyp, jańbyr, ekpindi jel jıi bolady. Arasynda jyly, shýaqty kúnder de kútiledi.
«Kúzge arnalǵan konsýltatıvtik maýsymdyq aýa raıy boljamyna sáıkes, kúzdiń alǵashqy eki aıynda respýblıkanyń basym bóliginde aýa temperatýrasy, 1-2° gradýsqa normadan joǵary bolady degen boljam bar. Qarasha aıy, respýblıkanyń basym bóliginde jyly, al Batys Qazaqstan, Atyraý, Soltústik Qazaqstan, Aqtóbe, Qostanaı oblystarynyń soltústik-batysynda, Pavlodar oblysynyń soltústik jartysynda - norma sheginde jyly bolady», delingen habarlamada.
Qyrkúıek jáne qazan aılarynda jaýyn-shashyn mólsheri Qazaqstannyń basym bóliginde normadan az bolady, ıaǵnı kóbinese qurǵaq bolady. Qarasha aıynda eldiń kóptegen oblystarynda jaýyn-shashyn - klımattyq normaǵa jaqyn bolady dep kútiledi.
