«Respýblıkalyq konkýrstyq komıssııanyń sheshimi boıynsha 56 375 grant taǵaıyndaldy. Budan basqa, jańa oqý jylynan bastap bakalavrıat deńgeıinde stıpendııa 20% ósedi. Al, magıstratýra jáne doktorantýra stıpendııasy 15% ósedi. Endi jyl saıyn 15-20 paıyz ósip turady. Mysaly, doktoranttar osy oqý jylynan bastap 195 myń teńge shákirtaqy alady. Bul norma shamamen 161 myń bilim alýshyǵa qatysty», dedi vedomstvo basshysy.
Sondaı-aq ol Prezıdent Qasym-Jomart Toqaevtyń tapsyrmasy boıynsha batys jáne halyq tyǵyz qonystanǵan óńirlerdiń jastary úshin 10 myń grant, «Serpin» jobasyna 3 653 grant, shetel azamattaryna 490 grant bólingenin eske saldy. Onyń ishinde Ortalyq Azııa elderiniń azamattaryna 150 grant, Islam yntymaqtastyǵy uıymdary elderiniń azamattaryna 100 oryn qarastyrylǵan.
Aıta ketsek, stýdentterge baǵa qoıý kezinde onyń akademııalyq bilimimen birge áleýmettik jáne zertteý belsendiligin eskeretin pılottyq joba qolǵa alynady.
Sondaı-aq ındýstrııa mamandary men top-menedjerler stýdentterdiń dıplomdyq jumystaryna jetekshilik etedi.
