Elordalyq Polısııa departamenti qala boıynsha reıdtik is-sharalardy turaqty negizde ótkizip turady. Osyǵan qaramastan, josyqsyz farmasevtter óz paıdasy úshin esirtkige táýeldi adamdar men jasóspirimderge qatty áser etetin medısınalyq preparattardy reseptsiz satýdy jalǵastyrýda. Máselen, elordalyq Esirtki qylmysyna qarsy is-qımyl basqarmasynyń qyzmetkerleri Jangeldın jáne Syǵanaq kósheleriniń boıyndaǵy dárihanalarda jedel aldyn alý is-sharalaryn júrgizgen kezde JK-nyń birine tıesili «dárilik preparatty dárigerdiń reseptisiz bosatý» faktileri qaıta qujattalǵan.
«JK ıesine qatysty ÁQBtK 426-babynyń 2-bóligi boıynsha ákimshilik is qozǵaldy. Sot qaýlysymen dárihanalardyń qyzmetin 6 aı merzimge toqtata turý túrindegi jaza taǵaıyndaldy. Osyǵan uqsas fakti Moldaǵulova kóshesindegi dárihanada anyqtaldy, onda sot sheshimi boıynsha 199 095 teńge somasynda aıyppul túrinde jaza taǵaıyndaldy», delingen vedomstvo habarlamasynda.
Jyl basynan beri polısııa qyzmetkerleri Medısınalyq jáne farmasevtıkalyq baqylaý komıtetiniń Nur-Sultan qalasy boıynsha departamentimen birlesip ÁQBtK-niń 426-baby (Farmasevtıkalyq qyzmet jáne dárilik zattar, medısınalyq maqsattaǵy buıymdar aınalysy salasynyń qaǵıdalaryn buzý) boıynsha 7 faktini anyqtady.
