Áleýmettik medısınalyq saqtandyrý qorynyń habarlaýynsha, 2022 jyly medısınalyq kómekti satyp alý josparynda ambýlatorııalyq-emhanalyq jaǵdaıdaǵy konsýltasııalyq-dıagnostıkalyq qyzmetterge qarjylandyrýdy bir jarym ese ulǵaıtý kózdelgen. Dálirek aıtsaq, byltyrǵy 186 mlrd teńgeden 283 mlrd teńgege deıin kóbeıtý qarastyrylǵan. Osy jyldyń 4 aıynda 97 mlrd teńgege salalyq mamandardyń 54,6 mln konsýltasııasy men dıagnostıkalyq zertteýleri kórsetildi. Bul ótken jyldyń sáıkes kezeńimen salystyrǵanda 1,6 ese kóp.
MÁMS júıesin engizý medısınalyq kómekti qarjylandyrý kólemin 2 ese arttyrýǵa múmkindik bergeni málim. Bıyl TMKKK jáne MÁMS paketterin qamtamasyz etýge 2 trln teńgeden astam qarjy baǵyttaldy. Onyń ishinde 852 mlrd teńge MÁMS-ke tıesili. Bul rette 2022 jyly medısınalyq kómekti satyp alý josparynda ambýlatorııalyq-emhanalyq jaǵdaıdaǵy konsýltasııalyq-dıagnostıkalyq qyzmetterge qarjylandyrýdy byltyrǵy 186 mlrd teńgeden 283 mlrd teńgege deıin ulǵaıtý kózdelgen. Qarjylandyrýdyń ósýi bir jarym eseni qurady.
4 aıda 97 mlrd teńgege salalyq mamandardyń 54,6 mln konsýltasııasy men dıagnostıkalyq zertteýler kórsetildi. Bul ótken jyldyń sáıkes kezeńimen salystyrǵanda 1,6 ese kóp. Onyń ishinde qymbat tekserýler (KT, MRT, PET) boıynsha 510 myńnan astam qyzmet kórsetildi.
«Pasıentterdiń konsýltasııalyq-dıagnostıkalyq qyzmetterdi alý kezindegi ózekti másele – salalyq mamandardyń qabyldaýyn kútý, dıagnostıka men taldaýǵa jiberý uzaqtyǵy. Josparly medısınalyq kómek pasıenttiń ómirine qaýip tóndirmeıtin aýrýlar men jaǵdaılar kezinde kórsetiletinine jáne sál keıinge qaldyrý pasıenttiń jaı-kúıiniń nasharlaýyna ákep soqpaıtynyna qaramastan, pasıent konsýltasııalyq nemese dıagnostıkalyq qyzmetti 10 kúnnen artyq kútpeýi tıis. Bul monıtorıng erejelerimen bekitilgen. Medısınalyq uıym tıisti qyzmetterdi kórsetý úshin Qormen shartqa otyrady. Soǵan sáıkes, olar qyzmetterdi tolyq kólemde usynýǵa mindetteme alady jáne qoljetimdilik pen sapa úshin jaýap beredi», dep atap ótti Áleýmettik medısınalyq saqtandyrý qory Medısınalyq kómektiń sapasyn baǵalaý departamentiniń dırektory Lázzat Shomanova.
Al eger medısınalyq uıymnyń tirkelgen pasıentterge ýaqytyly qyzmet kórsetý múmkindigi bolmasa, ol qordyń basqa da mekemelerin birlesip oryndaýshy retinde tartýǵa mindetti. Qazir bazada 2000-nan astam áleýetti oryndaýshy bar.
Qarjylandyrý aıtarlyqtaı óskendikten júıedegi jańa medısınalyq qyzmet kórsetýshilerdiń sany artýda. Qormen shart jasasqan 1 426 medısınalyq uıymnyń 744-i (52%) – jeke menshik klınıka. Medısınalyq uıymdardyń tolyq tizimimen qordyń fms.kz resmı saıtynda «Pasıent úshin» – «Klınıkany tańdaý», «Medısınalyq qyzmetterdi satyp alý» – «Konsýltasııalyq-dıagnostıkalyq qyzmetterin kórsetetin medısınalyq uıymdar» bólimderinde tanysýǵa bolady.
