Qazaqstan • 17 Tamyz, 2022

1,1 mln gektar jer qaıtaryldy

130 ret kórsetildi

2022 jyldyń basynan beri paı­­dalanylmaı jatqan jáne zań­namany buza otyryp berilgen jer­lerdi memleket menshigine qaı­tarý jónindegi komıssııanyń sheshimimen 1 mln 119 myń gektar aýyl sharýashylyǵy maqsa­tyn­daǵy jer memleket menshigine qaı­tarylǵan.

Sýretti túsirgen Erlan OMAR, «EQ»

Aýyl sharýashylyǵy mınıstrliginiń málimeti boıynsha qazirgi ýaqytta jalpy aýmaǵy 2 mln 94 myń ga jerdi paı­dalanýshylarǵa qatysty 724 jospardan tys tekserý júrgizilip jatyr. 698,4 myń ga jerdi tekserý boıynsha 48 ótinish prokýratýra organdarynda tirkeý satysynda tur. Jalpy, komıssııa aýmaǵy 7,45 mln ga jerde 2 584 sýbektige qatysty tekserý júrgizýdi josparlap otyr, onyń ishinde egistik alańy – 585,2 myń ga, jaıylym jer – 6,86 mln ga.

Eske salaıyq, bıyl 9 tamyzda Prezıdent Qasym-Jomart Toqaev Jer zańnamasynyń saqtalýyna tekserý júrgizýge moratorııdiń kúshin joıýdy kózdeıtin Jarlyqqa qol qoıdy. Joǵaryda atalǵan sharalardy eskere otyryp, jyl sońyna deıin paıdalanylmaǵan jáne zańnamany buza otyryp, berilgen aýyl sharýashylyǵy maqsatyndaǵy jerleriniń kem degende 5 mln gektaryn memleketke qaıtarý kózdelgen.

Jer resýrstaryn basqarý komıteti jerdi paıdalaný monıtorıngi jáne jerdiń paıdalanylýy men qorǵalýyn memlekettik baqylaýdy jetildirý basqarmasynyń basshysy Saǵadat Dúısenovtiń sózine qaraǵanda, 2022 jyldyń 1 qańtarynan bastap jer ýchaskesin májbúrlep alyp qoıý 2 jyldan 1 jylǵa qysqardy. Sondaı-aq paıdalanylmaı jatqan jerge salynatyn salyq buryn 10 ese ulǵaıtylǵan bolsa, qazir 20 ese artqan.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar