– Biz ózimizdiń áriptestik yntymaqtastyǵymyzǵa qýanyshtymyz, óıtkeni osyndaı óner baılanysy, eń aldymen kórermenderge oń yqpalyn tıgizedi, – degen «Astana Opera» teatrynyń dırektory, Qazaqstannyń eńbek sińirgen qaıratkeri Ǵalym Ahmedııarov eki óner ordasy arasyndaǵy tálimdi tájirıbe bas shahardyń mádenı ómirin kórkeıtip, odan saıyn baıyta túsetindigin jetkizdi.
Aıta keteıik, Qaraǵandy akademııalyq mýzykalyq komedııa teatry respýblıkamyzdaǵy operetta men mıýzıkl janryndaǵy birden-bir óner ordasy sanalady. Jyl saıyn onda jetige jýyq jańa qoıylymdar sahnalanǵanymen, jalpy teatr repertýarynda 200-den astam spektakl bar.
Kendi ólkeniń abyroıyn asyryp júrgen teatrdyń jetekshisi, Qazaqstannyń eńbek sińirgen qaıratkeri Amantaı Ibraev «Astana Operadaǵy» óner sapary qaraǵandylyq teatrdyń ártisteri men mýzykanttary úshin aıtýly oqıǵa bolǵandyǵyn atap ótti.
– Bizdiń ujym elimizdegi biregeı teatrdyń sahnasynda kórsetýge repertýarymyzdaǵy úzdik degen spektaklderdi alyp keldi. Onyń ishinde álemge tanymal kompozıtorlardyń biri V.Baskınniń jańa shyǵarmasy, brodveı mıýzıkliniń dástúrli jelisimen jazylǵan «Kentervıl qamalynyń elesin», sondaı-aq teatrymyzdyń negizin quraıtyn klassıka – I.Kalmannyń «Sırk hanshaıymyn», M.Dýnaevskııdiń «Alqyzyl jelkenderin» jáne t.b. týyndylardy qoıyp, kórermenderdiń jaqsy baǵasyn aldyq, – dedi A. Ibraev.
Atalǵan mýzykalyq teatrdyń elordalyqtar kóńilinen shyqqan qoıylymdardyń qoıýshy dırıjeri, Belarýs mýzykalyq teatrynan arnaıy kelgen qonaq Nıkolaı Makarevıch gastroldik sapardyń óte joǵary deńgeıde ótkendigin aıtty.
– Bul gastroldiń men úshin orny bólek. Ásirese «Astana Opera» zaly men foıesiniń ádemiligi unady. О́zim Eýropanyń kóptegen teatryn, sonyń ishinde áıgili Vena opera teatryn kórdim. Sonda da maǵan osy óner ordasyndaǵy dızaınerler men sýretshilerdiń sheber jumysy tańǵaldyrdy. Úsh spektakldiń dekorasııasyn buzbaı, sol kúıinde saqtaýǵa bolatyn sahnanyń tehnıkalyq jabdyqtalýy men akýstıkasy keremet balet zaly da kóńilimnen shyqty. Men ony «Metropolıten Opera» jáne «La Skalamen» qatar qoıar edim, – deıdi Mınskten kelgen maestro.
