Prezıdent • 19 Tamyz, 2022

Toqaev pen Pýtınniń kezdesýi 2,5 saǵatqa sozyldy

97 ret kórsetildi

Qazaqstan Prezıdenti Qasym-Jomart Toqaev pen Reseı basshysy Vladımır Pýtınniń 2,5 saǵatqa sozylǵan kezdesýi aıaqtaldy, dep habarlaıdy Egemen.kz.

«Qazaqstan men Reseı prezıdentteri ekijaqty kezdesýden keıin jyly lebizben qoshtasty», delingen Aqorda málimetinde.

Búgin Q.Toqaev V.Pýtınniń shaqyrýymen Sochı qalasyna kelgen bolatyn. Reseı basshysy Qazaqstan Prezıdentin kezdesý ótetin ǵımarat aldynda qoshemetpen kútip aldy.

Kezdesý barysynda Q.Toqaev Qazaqstan men Reseı arasyndaǵy seriktestiktiń damýyna qanaǵattanýǵa barlyq negiz bar ekenin atap ótti.

«Bul turǵyda sizben kelisemin. Bizdi álemdegi eń uzyn qurlyqtyq tolyq shegendelgen shekara biriktirip tur. Sondyqtan, árıne, bolashaǵymyzǵa qatysty pessımıstik boljam aıtýǵa eshqandaı negiz joq», - dedi Memleket basshysy.

Sondaı-aq QR Prezıdenti RF basshysy Qazaqstanda ótetin TMD Sammıtine qatysýǵa shaqyrdy.

О́z kezeginde Vladımır Pýtın Qasym-Jomart Toqaevqa shaqyrýyn qabyl alyp, Sochıge kelgenine alǵys bildirip, syrtqy ister, qorǵanys mınıstrlikteri birlesip túrli is-sharalardy, sonyń ishinde UQShU aıasyndaǵy birlesken oqý-jattyǵýlardy jáne taǵy basqalaryn daıyndap jatqanyn atap ótti.

«Taýar aınalymy ósip keledi. Byltyr 34,4 paıyzǵa ósse, bıyl bes aıda 9 paıyzǵa derlik, 8,8 paıyzǵa ósti. Investısııalar eki jaqtan da artyp keledi. Menińshe, Reseı ınvestısııasy 18 mıllıard dollarǵa jetti, al Qazaqstannyń Reseıge ınvestısııa tórt jarym mıllıard shamasynda. Qazaqstannyń saýda-ekonomıkalyq seriktesteri arasynda Reseı birinshi orynda keledi. Biz sondaı-aq jaqsy iri jobalardy ázirlep jatyrmyz. Joǵary tehnologııalyq salalarda, sonyń ishinde ǵarysh salasynda jumys isteımiz...», – dedi V.Pýtın.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Uqsas jańalyqtar