«Mınıstrdiń 2022 jylǵy 18 tamyzdaǵy buıryǵymen Holdıngtiń bas dırektory laýazymyna bıologııa ǵylymdarynyń doktory, professor Kúnsulý Zakarııa taǵaıyndaldy. Kúnsulý Daltonqyzy ál-Farabı atyndaǵy ǵylym jáne tehnıka salasyndaǵy Memlekettik syılyqtyń laýreaty, Jaratylystaný ǵylymdary akademııasynyń múshesi, Reseı Jaratylystaný akademııasynyń korrespondent-múshesi, SOVID-19 koronavırýs ınfeksııasyna qarsy QazCovid-in (QazVac) qazaqstandyq vaksınasynyń ázirleýshisi», dedi A.Ǵınııat.
Mınıstr Memleket basshysy «QazBioPharm» jańa holdınginiń aldyna bıologııalyq qaýipsizdikti, elimizdiń bıofarmasevtıka naryǵynyń turaqty damýy men jetilýin qamtamasyz etý, bıofarmasevtıka ǵylymy men ónerkásibin damytýdy yntalandyrý, ımmýnobıologııalyq preparattar boıynsha ımportqa táýeldilikti azaıtýǵa qatysty mindetter qoıǵanyn eske saldy.
Ajar Ǵınııat ulttyq holdıngtiń qaıtadan saılanǵan basshysyna sáttilik, jemisti eńbek tiledi. Budan buryn Kúnsulý Zakarııa QR DSM «Bıologııalyq qaýipsizdik problemasyn ǵylymı-zertteý ınstıtýty» RMK bas dırektorynynyń mindetin atqarǵan bolatyn.
Ol bıologııalyq qaýipsizdik, bıotehnologııa jáne mıkrobıologııa salasyndaǵy moıyndalǵan maman retinde belgili. K.Zakarııanyń jetekshiligimen bıotehnologııa, bıologııalyq qaýipsizdik jáne mıkrobıologııa salasyndaǵy quramyna 200-den asa ǵylymı joba men 22 halyqaralyq joba kiretin 10 ǵylymı-tehnıkalyq baǵdarlamanyń oryndalýyn úılestirý, monıtorıng jáne baqylaý júzege asyryldy. Onyń ishinde «Qazaqstan Respýblıkasynyń veterınarııalyq qaýipsizdigi: epızotologııalyq monıtorıng, asa qaýipti juqpaly aýrýlardyń aldyn alýǵa jáne dıagnostıkaǵa arnalǵan arnaýly quraldardyń synaǵy, engizilýi jáne kommersıalızasııasy» ǴTB; «Qazaqstan Respýblıkasynyń bıologııalyq qaýipsizdigi: qaýipti baǵalaý; ony eskertý men joıýdyń ǵylymı-tenıkalyq negizderi» ǴTB, «Vozrajdenıe» araly aýmaǵynyń qazaqstandyq bóligin sharýashylyq aınalymǵa qosýdy ǵylymı-praktıkalyq súıemeldeý» ǴTB, «COVID-19 koronavırýs ınfeksııasyna qarsy vaksına ázirleý» ǴTB-ǵa jetekshilik etti.
