Oblystyq tarıhı-ólketaný mýzeıiniń qorynda ár dáýirden syr shertetin jádigerler jetkilikti. Onyń birazy túrli qazba jumysy kezinde tabylsa, endi bir jádigerler kezdeısoq jaǵdaıda qolǵa túsken. Sondaı qundy muranyń biri – sý saǵaty.
Derekterge sensek, sý saǵaty 1965 jyly Shý ózeni jaǵasynan kezdeısoq jaǵdaıda tabylǵan eken. Qyshtan jasalǵan ydystyń bir bóligi konýs pishindes bolsa, ekinshi bóliginde oıyq kezdesedi. Eki tireýish aıaqtyń bireýi joǵalǵan. Qarsy betinde qolǵa ustaýǵa ıkemdelgen tutqasy bar.
Osy bir ydysqa qatysty málimet kóp-aq. Solardyń birinde sý saǵaty qajetti sýdyń naqty kólemin anyqtaý úshin qoldanylǵan desedi. Iаǵnı sol kezdegi adamdar alqapqa qansha sý ketetinin, qansha ýaqytta sýarýǵa bolatynyn dál osy jádiger arqyly anyqtaǵan. Eshqandaı qospasyz bir qalypty kúıdirilgen ydysty ýaqytynda kózeshiler jasaǵan degen derek bar.
«Qundy jádiger Qazaqstandy aıtpaǵanda, Ortalyq Azııa aýmaǵynda alǵash ret bizdiń óńirde tabylǵan úlken olja ekenin aıta ketken lázim. Jalpy, bul ydystyń tarıhy VI-VIII ǵasyrlarmen sabaqtasyp jatyr. Naqty aıtar bolsaq, osydan 1 300 jyldan astam ýaqyt buryn jasalǵan eken», deıdi oblystyq tarıhı-ólketaný mýzeıi dırektorynyń orynbasary Zarına Dúkenbaeva.
TARAZ
Benzın baǵasy EAEO naryǵyndaǵy baǵamen teńesse...
Ekonomıka • Búgin, 08:15
Daǵdarys taǵy da qaıtalana ma?
Daǵdarys • Búgin, 08:13
Teatr • Búgin, 08:12
12 maıdangerge – 800 myń teńgeden
Qoǵam • Búgin, 08:10
Balalar qaýipsizdigi beınebaqylaýmen shektele me?
Balalar • Búgin, 08:08
Ásker • Búgin, 08:05
Uqsas jańalyqtar
