«Soltústik-batys antısıklon áserinen Qazaqstannyń basym bóliginde jaýyn-shashynsyz aýa raıy saqtalady. Tek elimizdiń ońtústik-shyǵysynda ǵana atmosferalyq frontaldy bólikterdiń ótýine baılanysty kúndiz jańbyr jaýyp, naızaǵaı oınaıdy. Respýblıka boıynsha keı jerlerde jel kúsheıip, túngi jáne tańǵy saǵattarda soltústikte, shyǵysta, ortalyqta tuman túsedi, túnde elimizdiń soltútiginde, ortalyǵynda, shyǵysynda topyraq betinde 2 gradýsqa deıin úsik saqtalady», delingen «Qazgıdromet» RMK habarlamasynda.
Qyzylorda oblysynda, Túrkistan oblysynyń ońtústiginde, shyǵysynda, Batys Qazaqstan oblysynyń ońtústik-batysynda, Atyraý oblysynyń shyǵysynda, Abaı oblysynyń ońtústiginde tótenshe órt qaýpi saqtalady.
Kúndiz Atyraý oblysynyń basym bóliginde, Batys Qazaqstan oblysynyń ońtústik-batysynda qatty ystyq bolady.
