«QazMunaıGaz» qazaqstandyqtarǵa ınternet alaıaqtardan saq bolýdy eskertedi

«QazMunaıGaz» kompanııasy qazaq­stan­dyqtardy ınternet alaıaq­­tar­dan saq bolýǵa jáne resmı aq­paratqa senýge shaqyrady.

Internette, atap aıtqanda, Google, Yandex izdeý júıelerinde, YouTube jáne ózge de áleýmettik jeli­lerde «QazMunaıGazǵa» ınves­tısııa salyp, joǵary tabysqa kenel» degen jeleýmen jarnamalar jappaı taratyla bastaǵan, ol siltemeler alaıaqtar qurǵan arnaıy saıttarǵa baǵyt­taı­­dy. Halyqty quryǵyna túsirý úshin alaıaqtar jasaqtaǵan saıtyn «Qaz­MunaıGazdyń» resmı saıty» sondaı-aq «qarjylyq» nemese «ınves­tı­sııalyq» kompanııalardyń veb-resýrs­ta­ry retinde kórsetedi. Bul jal­ǵan qarjylyq kompanııa­lar belgili bir somaǵa «QazMunaıGazdyń» aksııalaryn sa­typ alýdy usynyp (máselen, 127 myń teńge), bir-eki aıda «aı saıyn 8500 dollarǵa deıin ınvestısııalyq tabys alyp tur» degen jeleýmen qyzyqtyrýǵa tyrysady.

Al bul áreketteri nanymdy bolýy úshin olar «QazMunaıGazdyń» osyǵan deıin jarııalanǵan resmı beı­ne­rolıkterin qaıta dybystap qoldanady. Nátıjesinde, alaıaq­tardyń saıtyna ótkender kom­panııa ataýy birneshe ret qaı­talanatyn, kásibı dybystalǵan jalǵan beınerolık tamashalaıdy.

Alaıaqtyq saıttardyń algorıtm­deri uqsas. Ádette olardyń derek­qory joq jáne turaqty HTML saıttar bolyp keledi. Bul olardy USB dıskine kóshi­rip, bir domennen ekinshisine ońaı tasymaldaýǵa múmkindik beredi. Degen­men maq­satty aýdıtorııanyń suranysyna baılanysty mátindi jyldam aýys­­­ty­ra alatyn, derekqordy keń, zamanaýı baǵdarlamalyq quraldardy qoldanatyn dınamıkalyq saıttar da kezdesedi.

Bul jalǵan saıttardyń ataýy .com sekildi halyqaralyq aı­­maq­­tarda tir­ke­ledi. Mysalǵa kazmynai-gaz.com, kz-finvesting.com jáne butterflyexpect.com saıttaryn keltirýge bolady. Odan bólek alaıaq­tar saıttaryn taqyryptyq domenderde de tirkeýi múmkin: tiddley.work, kz.dahod.shop, investor-test.top, trainman.store, delaying.store/kz.

Saıttardan bólek, alaıaqtar qol­dan­ǵan 6 mobıldi qosymsha anyq­tal­ǵan. Olar da ulttyq kompanııa atyn jamylyp, «KazMunay Invest», «Kaz­Mý­naıGaz», «KazMunay Club Invest», «KazInvest» sekildi túrli ataý­men ju­mys istegen.

Qazaqstannyń quqyq qorǵaý jáne basqa da quzyretti organdary osy sekildi alaıaqtyq jolmen ashylǵan resýrstardy anyqtap, olardyń jolyn kesý boıynsha jumys atqaryp jatqanyn aıtady. Degenmen ınternettegi alaıaqtardyń izine túsip, kinálini anyqtaý qıyn. Ol saıttar kóp jaǵdaıda sheteldik meken­jaı­larǵa tirkelgen bolyp shyǵa­dy. Sondyqtan quqyq qorǵaý organdary, qarjylyq uıymdar, ulttyq kompanııalar azamattarǵa alaıaq­tardan saq bolýdy eskertedi.

«QazMunaıGaz» bul másele bo­ıynsha Qarjy monıtorıngi agenttigine (AFM) jáne Ulttyq bankke óti­nish joldady. О́tinish Ishki ister mınıstrligine berildi. Nátıjesinde, Nur-Sultan qalasy polısııa depar­tamentiniń Esil aýdandyq polısııa basqarmasy qylmystyq is qozǵady. «QazMunaıGaz» osy qylmystyq is boıynsha jábirlenýshi retinde barlyq derekterdi usyndy. Qazirgi ýaqytta atalǵan quqyq buzýshylyqqa qatysty kúdiktilerdi anyqtaýǵa ba­ǵyt­talǵan tergeý áreketteri men je­del-izdestirý sharalary júrip ja­tyr.

Kompanııanyń qyzmeti týra­ly senimdi aqparat tek www.kmg.kz saıtyn­da jáne áleýmettik jelilerdegi resmı akkaýnttarda jarııalanady: YouTube: KazMunaiGas, Facebook: kazmunaygaspress, Instagram: kazmunaygaspress, Telegram: kmgpress.