«Áli de soltústik-batys antısıklon áserinen Qazaqstannyń basym bóliginde jaýyn-shashynsyz aýa raıy saqtalady. Tek elimizdiń ońtústik-shyǵysynda, shyǵysynda, soltústiginde atmosferalyq fronttardyń ótýine baılanysty jańbyr jaýyp, naızaǵaı bolady. Respýblıka boıynsha keı jerlerde jeldiń kúsheıýi, túngi jáne tańerteńgi saǵattarda elimizdiń shyǵysynda tuman bolady», delingen «Qazgıdromet» RMK habarlamasynda.
Qyzylorda oblysynda, Túrkistan oblysynyń basym bóliginde, Batys Qazaqstan oblysynyń ońtústik-batysynda, Atyraý oblysynyń batysynda, shyǵysynda, Abaı oblysynyń ońtústiginde tótenshe órt qaýpi saqtalady.
Kúndiz Atyraý oblysynyń basym bóliginde, Batys Qazaqstan oblysynyń ońtústik-batysynda qatty ystyq saqtalady.
Nur-Sultan qalasynda aýa raıy kóshpeli bultty, jaýyn-shashynsyz bolady. Soltústik baǵyttan jel soǵady, kúshi túnde 2-7, kúndiz 7-12 m/s jetedi. Aýa temperatýrasy túnde 6-8, kúndiz 23-25 gradýs jyly bolady.
Almaty qalasynda aýa raıy kóshpeli bultty bolady, tańerteń jáne kúndiz jańbyr jaýady. Ońtústik-shyǵystan jel soǵady, kúshi 3-8, ekpini 13 m/s. Aýanyń temperatýrasy túnde 14-16, kúndiz 24-26 gradýs jyly bolady.
Shymkent qalasynda aýa raıy kóshpeli bultty, jaýyn-shashynsyz bolady. Soltústik-shyǵystan jel soǵady, kúshi 8-13 m/s. Aýanyń temperatýrasy túnde 14-16, kúndiz 30-32 gradýs jyly bolady.
