Búırek transplantasııasy sozylmaly búırek jetkiliksizdiginiń termınaldyq satysy bar pasıentter úshin búırekti almastyratyn terapııanyń ońtaıly ádisi, alaıda emdeýdiń osy ádisiniń taralýy barlyq elde bar donorlyq organdardyń tapshylyǵymen aıtarlyqtaı shektelgen.
Tiri donordan búırek almastyrý – máseleni jeńýdiń naqty joldarynyń biri. 2022 jylǵy 10 tamyzdaǵy jaǵdaı boıynsha Qazaqstanda 3 566 pasıent donorlyq organdardy transplantasııalaýdy qajet etedi, onyń ishinde 77 bala bar. Aǵza almastyrýǵa muqtajdar sanyna toqtalsaq, búırekke muqtaj –
3 154 eresek adam, balalar – 60; baýyrǵa muqtaj – 169 eresek, balalar – 8; ókpege muqtaj – 17 eresek adam, balalar joq; júrekke – 147 eresek adam, balalar – 6; al 2 eresek adamǵa, 3 balaǵa «júrek pen ókpe» qajet.
Birneshe saǵatqa sozylǵan operasııa barysynda 35 jastaǵy naýqasqa donorlyq organ sátti transplantasııalandy. Sh. esimdi naýqas «5-shi satydaǵy sozylmaly búırek aýrýy» dıagnozymen kelip tústi, eki jyl boıy baǵdarlamalyq gemodıalızde boldy. Bul resıpıentte qan tobyna sáıkes kelmeıtin donor boldy. Desensıbılızasııalaýshy em júrgizgennen keıin pasıentke týystyq donordan búırek transplantasııasy jasaldy. «Donor-resıpıenttiń» jaı-kúıi júrgizilgen aralasýlardyń ýaqyty men aýyrlyǵyna sáıkes keledi jáne qanaǵattanarlyq dep baǵalanady. Qazirgi ýaqytta olar belsendi, tósekten turyp, qozǵalady. Búgingi tańda resıpıent úıine shyǵaryldy, olardyń fýnksııalaryn qalpyna keltirý úshin transplantasııalanǵan organdardyń belsendi terapııasy jalǵasýda.
Bul tehnologııa otandyq organdardy transplantasııalaý ortalyǵynda damıtyn bolady.
