Taýshyqta jaıylym tapshy

Ashat Oralov Májilis depýtaty Edil Jańbyrshın, Aýyl sharýashylyǵy vıse-mınıstri Ábilhaıyr Tamabek, qoǵam qaıratkeri Murat Ábenov jáne «Jer amanaty» komıssııasynyń ózge de múshelerimen birge Taýshyq aýylynda Túpqaraǵan aýdanynyń turǵyndarymen kez­desip, jaıylymdyq jerler­diń jetis­peýshiligi jáne qu­nar­syz­danýy máselelerin talqylady.

Aýyl aqsaqaly Amangeldi Júnbasovtyń aıtýynsha, aýyl turǵyndarynyń mal jaıatyn jeri bolmaı otyr. Al jaqyn mańdaǵy jaıylymdardyń menshik ıeleri jergilikti turǵyndardyń mal jaıýyna ruqsat etpeıdi. Sondyqtan jeke qosalqy sharýashylyqtarǵa arnalǵan jaıylymdardyń aýmaǵyn keńeıtý máselesi ózekti bolyp otyr.

«Partııa Memleket basshy­synyń qoǵamdyq tiregi retinde Jańa, Ádiletti Qazaqstandy qurý jumysyna úles qosyp keledi. Prezıdenttiń paıdalanylmaı jatqan jaıylymdyq jerlerdi memleket menshigine qaıtarý jónindegi tapsyrmasy oryndalyp jatyr. Sonyń naqty dáleli – «Jer amanaty» komıssııasynyń atsalysýymen Mańǵystaý oblysynda 240 myń gektar jer memleketke qaıtaryldy. Bul jumysty elimizdiń barlyq aımaǵynda jalǵastyramyz», dep atap ótti Ashat Oralov.

О́z kezeginde depýtat Edil Jańbyrshın quramyna Aýyl sharýashylyǵy mınıstrligi, prokýratýranyń ókilderi, depýtattar, zańgerler, qoǵam qaıratkerleri, jýrnalıster kiretin komıssııanyń kómegi­men segiz óńirde memleket men­shigine 350 myń gektardan astam aýyl sharýashylyǵy jeri qaıtarylǵanyn atap ótti.

Budan soń, partııanyń atqarýshy hatshysy Munaıly aýdany Basqudyq aýylynda 600 oryndyq mekteptiń qurylys barysyn tekserdi. Jańa bilim oshaǵy Amanat-tyń saılaýaldy baǵdarlamasyn iske asyrý aıasynda salynyp jatyr. Bıyl mektep paıdalanýǵa berilgennen keıin aýylda úsh aýysymda bilim berý jáne balalardy ózge aýyldardyń mektepterine alyp baryp otyrý máselesi sheshiledi.

Sondaı-aq Ashat Oralov Aqtaý qalasynyń 19A shaǵyn aýda­nyndaǵy 432 páterlik kópqabatty úılerdiń qurylysymen tanysty. Nysan qurylysyn jyl sońyna deıin aıaqtaý josparlanyp otyr. Par­tııanyń saılaýaldy ýáde­lerine sáıkes, turǵyn úı kezekte turǵandarǵa, sonyń ishinde halyqtyń osal tobyna bólinedi.

Eki nysanda da qurylys sapasyn, bólingen qarajattyń tıimdi ıgerilýin, qaýipsizdik tehnıkasy erejeleriniń saqtalýyn jáne jumysshylardyń áleýmettik jaǵdaıyn qadaǵalaıtyn par­tııa­lyq baqylaý beketteri ashylǵanyn atap ótken jón.

Sapar barysynda Amanat-tyń atqarýshy hatshysy oblystaǵy bastaýysh partııa uıymdarynyń basshylarymen kezdesti. Búginde óńir­de 16 myńnan astam partııa mú­she­sin biriktiretin 102 bas­ta­ýysh partııa uıymy jumys isteıdi.

«Mundaı kezdesýler amanat­tyq­tardy tolǵandyratyn máse­lelerdi bilip otyrýǵa múm­kindik beredi. Sebebi bas­taýysh partııa uıymdary – partııanyń negizi. Sonymen qatar, partııanyń jańa Saıası tuǵyrnamasyn ázirleý kezinde qatardaǵy partııa múshe­leriniń pikiri eskeriledi. Bú­ginde BPU-ny irilendirý, olar­dyń áleýetin kúsheıtý jóninde jumys júrgizilýde. BPU bastamalaryn qoldaý maq­satynda jergilikti jerlerde jobalardy iske asyrý úshin partııalyq jarnalar­dyń 20 paıyzyn qaıtaryp berý tájirıbesin engizdik», dedi Ashat Oralov.