Bul jolǵy oqıǵa da buǵan deıin gaz jarylǵan Metallýrgter dańǵylyndaǵy úıdiń páterinde bolǵan. Bul joly zardap shekkender joq.
«25 tamyz kúni saǵat 14:35-te Metallýrgter dańǵyly boıynda ornalasqan toǵyz qabatty ǵımarattyń bir páterinde aýaǵa gaz tarap, sońynda jaryldy. Podezdegi kireberistiń terezeleri synǵan», delingen Qaraǵandy oblysy Tótenshe jaǵdaılar departamentiniń habarlamasynda.
Temirtaýlyq qutqarýshylar gaz qyzmeti mamandarymen jáne turǵyndarmen birlesip, páterlerdi aralap shyqty. Ondaǵy maqsat kezekti jarylysty boldyrmaý. Tekserý jumystarynan keıin turǵyndar páterlerine oraldy. Qurbandar men zardap shekkender joq.
Eske salaıyq, 16 tamyz kúni Temirtaýda dál osyndaı gaz ballony jarylysy bolǵan edi. Ol kezde birneshe páterdiń qabyrǵalary opyrylyp qalǵan.
