2000 jyldary Shýche qalasynyń 35 jastaǵy turǵyny Reseı Federasııasynyń azamatymen asa iri kólemde esirtki zattaryn ótkizý maqsatynda zańsyz ıemdený, saqtaý jáne tasymaldaý jóninde aldyn ala sóz baılasqan.
2000 jyly 29 naýryzda Ekaterınbýrgten Shýche qalasyna reseılik áıel kelip, Aqmola turǵynynan 6 kelige jýyq keptirilgen marıhýana satyp alǵan. Kelesi kúni áıeldi Kókshetaý stansasyndaǵy jelilik ishki ister bóliminiń qyzmetkerleri poıyzda kele jatyp ustady.
QR QK-niń 259 bap 4-bóligi boıynsha (qazirgi redaksııa: QR QK 297-bap 3-bóligi) qylmystyq is qozǵaldy. Jaýap alý kezinde áıel dıstrıbıýtor týraly da aıtyp berdi. Alaıda onyń sybaılasynyń úıine jetkende polısııa onyń qashyp ketkenin anyqtady. Er adamǵa qatysty tergeý bastaldy.
Qylmyskerdi 22 jyl boıy izdeý jumystary júrgizilgen. Aqmolalyq jedel ýákilder 11 tamyzda Reseı Federasııasynyń Sýrgýt qalasynda júrgizgen jedel-izdestirý is-sharalary barysynda 57 jastaǵy esitrki tasymaldaýshyny ustady.
