Jármeńke maýsymyn 27 tamyz kúni Túrkistan oblysy ashady. О́ńirden kelgen 70-ten astam aýyl sharýashylyǵy óndirýshileri 535 tonna ónim usynady.
«Túrkistan oblysynyń taýar óndirýshileri 113,5 tonna et jáne et ónimderin, 165,5 tonna kókónis, 23 tonna kartop, 72 tonna sút ónimderin, 69 tonna baqsha ónimderin, 34 tonna jemis-jıdek, 8 tonna bal, 31 tonna jemis shyryny men konservilengen ónimderdi, 11 tonna balyq, 20 myń dana jumyrtqa jáne 2 tonna nan-toqash ónimderin usynady. Qala turǵyndary men qonaqtary olardy naryq baǵasynan 15-20% tómen baǵamen satyp ala alady. Jármeńke konserttik baǵdarlamamen jalǵasady», dedi Túrkistan oblysy Aýyl sharýashylyǵy basqarmasy basshysynyń orynbasary Nurbol Bekmuratov ákimdikte ótken onlaın brıfıngte.
Bıyl turǵyndardyń ótinishi boıynsha aýyl sharýashylyǵy jármeńkelerin ótkizý orny «Han Shatyr» SOO janyndaǵy alańnan «Barys Arena» muz saraıyna qarama-qarsy aýmaqqa aýysty.
Nur-Sultan qalasynyń Investısııalar jáne kásipkerlikti damytý basqarmasy basshysynyń orynbasary Qýanysh Saparovtyń aıtýynsha, jármeńkeler «Astana-Arena» stadıonynyń janyndaǵy alańda, Turan 48 meken jaıynda ótedi.
«Jalpy apta saıynǵy aýylsharýashylyq jármeńkeleri óz jumysyn osy jyldyń 11 maýsymynda bastady. Oǵan Aqmola jáne Qaraǵandy oblystarynyń, sondaı-aq SQO-nyń taýar óndirýshileri qatysty. Tek 2 kúnniń ishinde jármeńkede 100 tonna ónim satyldy. Sonymen qatar elordada eki aýdan aýmaǵynda demalys kúnderi jármeńkeler ótedi. Esil aýdanynda - Saýran kóshesi, 7 mekenjaıy boıynsha», dedi Saparov.
Almaty aýdanynda jármeńke Júrgenov kóshesi, 27 mekenjaıy boıynsha ótedi. О́tkizý kúnderi: senbi-jeksenbi. Jármeńkege azyq-túlik taýarlaryn kóterme jetkizýshiler, Qaraǵandy jáne Aqmola oblystarynyń jaqyn aýdandaryndaǵy sharýa qojalyqtary, sondaı-aq Shapaǵat bazarynyń kóterme saýdamen aınalysýshylary qatysady.
