Qarjy mınıstrligi Memlekettik kirister komıteti kedendik baqylaýdy júrgizý kezinde kólikke tıelgen taýarlardy qarap tekserýge múmkindik beretin ınspeksııalyq tekserip-qaraý keshenderin sátti qoldanyp keledi. Al eger kedendik deklarasııalarda kórsetilgen taýar týraly málimetterde alshaqtyq bolsa, naqtylanǵan kedendik jete tekserý júrgiziledi.
Máselen, 23 tamyzda «Qaplanbek» keden beketinde komıtettiń ahýaldyq ortalyǵynyń qyzmetkerleri ınspeksııalyq tekserip-qaraý kesheniniń sýretterin taldaý kezinde málimdelgen qujattardaǵy sáıkessizdikti anyqtady. Qujattarda kórsetilgen qarbyzdyń ornyna sýrette sopaqsha pishindes taýar kóringen. Komıtettiń 2021 jylǵy 12 qarashadaǵy №722 buıryǵymen bekitilgen «Memlekettik kirister organdary laýazymdy tulǵalarynyń tekserip qaraý ıntroskopııalyq tehnıkasyn qoldanýy tártibine» sáıkes ahýaldyq ortalyǵy keden zańnamasyn buzýǵa kúdik týyndaǵan málimetterdi kedendik jete tekserýge jiberdi.
Kedendik jete tekserýdi júrgizý kezinde (Ahýaldyq ortalyqtyń beıne súıemeldeýi) «Qaplanbek» keden beketiniń qyzmetkerleri 62 tonna deklarasııalanbaǵan qaýyn taýaryn anyqtady. Syrtqy ekonomıkalyq qyzmetke qatysýshy 12 tonna «qaýyn» taýaryn jáne 66 tonna «qarbyz» taýaryn alyp ótpek bolǵan.
Kedendik tólemderdi tóleýden jaltarý maqsatynda ımporttaýshylar deklarasııalarda neǵurlym arzan taýardy málimdeıtinin atap ótken jón. Anyqtalǵan buzýshylyqtar boıynsha syrtqy ekonomıkalyq qyzmetke qatysýshy qoldanystaǵy zańnamamen jaýapkershilikke tartylady.
