«Elimizdiń soltústik, shyǵys óńirlerindegi aýa raıyn sıklon jyrasy men jaýyn-shashyn, naızaǵaı ótetin atmosferalyq fronttar aıqyndaıtyn bolady. Elimizdiń qalǵan aýmaǵynda áli de bultty jáne qurǵaq aýa raıy saqtalady», delingen «Qazgıdromet» RMK habarlamasynda.
Respýblıka boıynsha keı aımaqta jel kúsheıedi.
Qyzylorda, Túrkistan oblystarynyń basym bóliginde, Atyraý oblysynyń batysy men shyǵysynda, Batys Qazaqstan, Abaı oblystarynyń ońtústiginde tótenshe órt qaýpi saqtalady. Kúndiz Atyraý, Batys Qazaqstan oblystarynyń basym bóliginde qatty ystyq bolýy múmkin.
Nur-Sultan qalasynda kóshpeli bultty, kúndiz jańbyr, naızaǵaı bolady. Soltústik-batystan, soltústikten jel soǵady, kúshi túnde 3-8, kúndiz 9-14 m/s. jetedi. Aýa temperatýrasy túnde +11+13°S, kúndiz +25+27°S bolady.
Almaty qalasynda aýa raıy kóshpeli bultty, jaýyn-shashynsyz bolady. Jel 2-7 m/s jetedi. Aýa temperatýrasy túnde +12+14°S, kúndiz +26+28°S bolady.
Shymkent qalasynda kóshpeli bultty, jaýyn-shashynsyz aýa raıy saqtalady. Soltústik-shyǵystan jel soǵady, kúshi 8-13 m/s jetedi. Aýa temperatýrasy túnde +14+16°S, kúndiz +31+33°S bolady.
