Aımaqtar • 29 Tamyz, 2022

Aqadyrǵa alań syılady

55 ret kórsetildi

Kásipkerlerdiń sport salasyn qoldaýǵa aıryqsha kóńil bólip júretini qýantady. Munyń ózi el ishinde buqaralyq sporttyń qanat jaıýyna ıgi septigin tıgizedi dep senimmen aıtýǵa bolady.

Taıaýda Shet aýdanyndaǵy Aqadyr kentine «Qazsolar-50» JShS-i voleıbol alańyn syıǵa tartty. Bul joba Shet aýdandyq ákimdigi men kásiporyn ara­syn­daǵy ekijaqty memorandým aıasynda júzege asqan edi. Aq­a­dyr­­lyqtardy qýantqan voleı­bol alańy barlyq zamanaýı ta­laptarǵa saı keledi. Onyń or­nalasqan jeri de áýesqoılarǵa asa yńǵaıly: fýtbol jáne hokkeı alańdarynyń janynan oryn tepken.

Shet aýdanynyń ákimi Muhıt Muhtarov bul ıgilikti sharýanyń dál Balalar jyly aıasynda iske asqanyna rızashylyq bil­dirdi. Ol búginde aýdan kó­le­min­de vo­leıbolǵa degen qy­zyǵý­shy­lyq­tyń zor ekenin atap ótti.

– Bizdiń aýdannyń balalary qazir sporttyń osy túrimen qulshyna aınalysyp, oblystyq deńgeıdegi túrli jarystarda júldeli oryndarǵa ıe bolyp júr, – deıdi aýdan basshysy.

Aqadyr kentindegi Iý.Ga­ga­rın atyndaǵy mektep-lı­seı­diń 11-synyp oqýshysy Sa­lamat Sym­batuly zamanaýı alań­nyń paı­­dalanýǵa be­ril­genine qýa­nysh­ty ekenin jet­kizdi.

– Voleıbol alańy keremet! Eń bastysy, biz ózimizdiń súıikti oıy­nymyzben alańsyz aı­nalysýǵa múmkindik aldyq, degen ol sport nysanyn salyp, tartý etken aza­mattarǵa al­ǵys aıtty.

 

Qaraǵandy oblysy,

Shet aýdany,

Aqadyr kenti

Sońǵy jańalyqtar

Astana qalasynyń ákimi aýysty

Taǵaıyndaý • Keshe

Uqsas jańalyqtar